Zakaria 3:4 - ÎVUKU RÎA ÛVORO MWARO

⁴ Mûraika nîwerire arîa maarûngamîte mbere yake atîrî, “Rutani Joshua nguo icio irî na gîko.” Nîwacokire akîra Joshua, mûthînjîri-Ngai mûnene atîrî, “Taroria, nînakûthengutîria wîvia waku wonthe na nîngûgwîkîra nguo cia goro.”

Zakaria 3:4 ပူးပေါင်းရင်းမြစ်များ

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

1Atha 22:19

Mikaia nîwathiîre mbere na akiuga atîrî, “Rîu thikîrîria ûrîa Ngai-Mûnene augîte! Nînoonire Ngai-Mûnene ekarîrîte gîtî gîake Kîam ûthamaki kûu îgûrû, nao araika ake onthe maarûngamîte mamûthiûrûrûkîrîtie.

Thaburi 51:9

Ndûkarorie mawîvia makwa na ûtherie mawaganu makwa monthe.

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 44:22

Nîmvatîte mavîtia maku ta îtu, na mevia maku ta nundu; njokererani nîûndû nîmûkûûrîte.”

Isaia 52:1

Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 52:33

Kwoguo Jehoiakini nîwarutire nguo ciake cia njera, na agîtûûra arîcaga kwa mûthamaki.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 42:14

Rîrîa athînjîri-Ngai mauma hekarûrî na nîmarenda kûthiî nja kîvarorî, nwanginya marute nguo irîa ntheru megûtungataga nacio maitige nyombarî ino. Nwanginya mekîre nguo ciîngî cia kûthiî nacio kûrî andû.”

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Mika 7:19

Ngai-Mûnene, twîguîre ntha rîngî, na ûrangîrîrie mavîtia metû rungu rwa makinyo maku, na ûmaikie îriarî kûrîa kûrikîru mûno.

Zakaria 3:1

Ngai-Mûnene nîwacokire akîmonia kîoneki kîngî. Kîonekirî kîu nînonire Joshua Mûthînjîri-Ngai mûnene arûngamîte mbere ya mûraika wa Ngai-Mûnene. Nake Caitani aarûngamîte mwena wa ûrîo wa Joshua evarîrîtie kûmûthitanga.

Zakaria 3:7

“Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Zakaria 3:9

Taroria, îthiga rîrîa mbigîte mbere ya Joshua, îgûrû rîarîo varî na mothiû mûgwanja. Îgûrû rîa îthiga rîu nîngaacora mandîko vo na nîngathengutia waganu wa vûrûri ûyû na mûthenya ûmwe.

Mathaayo 22:11

“Rîrîa mûthamaki aatonyire kûrîa kwarîcagîrwa nîguo one ageni, nîwonire mûndû ûmwe ûteekîrîte nguo ya ûviki. Nake nîwamwîrire atîrî,

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 15:22

Nwatî îthe nîwetire ndungata ciake na akîmeera atîrî, ‘Thiîni narua mûrete nguo îrîa mbaro viû na mûmwîkîre. Na mûcoke mûmwîkîre mbete Kîamra na mûmwîkîre iratû.

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Aroma 3:22

Ngai atucaga andû onthe athingu na njîra ya gwîtîkia Jesû Kristû. Ngai ekaga ûguo kwî andû onthe arîa metîkîtie nîûndû ndathuurûkanagia.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Akol 3:10

na nîmwekîrire ûmûndû mûcerû. Naguo ûmûndû wenyu ûyû mûcerû wîkaraga ûgîcerûvagua vîndî cionthe nîguo ûvanane na Ngai ûrîa waûûmbire, nîguo ûgîe na ûmenyo wa ma wake.

Ahib 8:12

Nîngaamovera mevia mao, na ndigaacoka kûririkana mavîtia mao.”

Kûguû 5:11

Nie nînaacokire ngîroria rîngî na ngîgua mîgambo ya Araika maarî ngiri nyîngî mûno. Araika acio maarûngamîte mathiûrûrûkîrîtie gîtî Kîam Ûthamaki, ciûmbe icio inya irî mwoyo, na athuuri.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.