Zakaria 3:1 - ÎVUKU RÎA ÛVORO MWARO

¹ Ngai-Mûnene nîwacokire akîmonia kîoneki kîngî. Kîonekirî kîu nînonire Joshua Mûthînjîri-Ngai mûnene arûngamîte mbere ya mûraika wa Ngai-Mûnene. Nake Caitani aarûngamîte mwena wa ûrîo wa Joshua evarîrîtie kûmûthitanga.

Zakaria 3:1 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Kîam 48:16

Mûraika ûrîa wamvonokirie kuuma mîtinorî yonthe arotûrathima! Rîîtwa rîakwa na marîîtwa ma methe makwa Iburahimu na Isaka marotûûrua na njîra ya twana tûtû! Twana tûtû tûrogîa na ciana nyîngî na njiarwa nyîngî!”

1Maû 21:1

Caitani nîwavangire kûretera andû a Isiraeli thîna na nîwatûmire Daudi atare andû a Isiraeli.

2Maû 29:11

Anake akwa, mûtigate mavinda. Ngai-Mûnene nîamûthuurîte mûmûtungatage, mûtongoragie andû kûmûgooca na mûmûvîvagîrie ûbani.”

Ezira 10:18

Ûyû nîguo mûtaratara wa arûme arîa maavikîtie aka ageni. Njiarwa cia athînjîri-Ngai maarî Maaseia, Eliezeri, Jaribu na Gedalia. Acio maarî avîcî a Joshua na aa mûrwang'ina, nao maarî avîcî a Jehozadaki.

Ezira 2:2

Atongoria ao maarî Zerubabeli, Jeshua, Nehemia, Seraia, Reelaia, Moridekai Bilishani, Misipari, Bigivai, Rehumu na Baana. Nao andû a mîvîrîga ya Isiraeli arîa maacokire kuuma îthamîriorî maarî:

Ezira 5:2

Rîrîa Zerubabeli mûvîcî wa Shealitieli na Joshua mûvîcî wa Jehozadaki meeguire ndûmîrîri yao, nîmaambîrîrie rîngî gûtuma hekarû kûu Jerusalemu. Nao arathi acio aîrî nîmaamatethagia.

Thaburi 106:23

Ngai nîangîathiririe andû ake, tiga nî Musa, ndungata îrîa aathuurîte waririe nake, na akîrigîrîria ndakamathirie nîûndû wa marakara make.

Thaburi 109:6

Thuura mûcirithania mwaganu wa gûcirithia nthû yakwa, tiga mûmûthitangi amûvire îgootirî.

Jeremia 15:19

Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Ezek 44:11

Magaatungataga hekarûrî yakwa marî arangîri a ivingo, na marutage mawîra mengî ma hekarû. Makaathînjaga nyamû irîa irutîtwe cia magongoona ma kûvîvua na cia magongoona mengî na matungatage andû.

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Hagai 1:1

Mûthenya wa mbere wa mweri wa gatandatû mwaka wa kaîrî wa ûtongoria wa Dario mûthamaki wa Perisia, Ngai-Mûnene nîwavere mûrathi Hagai ndûmîrîri avirîre Zerubabeli mwana wa Shealitieli, mûnene wa Juda, na Joshua mûthînjîri-Ngai mûnene mwana wa Jehozadaki.

Hagai 1:12

Zerubabeli mûvîcî wa Shealitieli, na Joshua mûvîcî wa Jehozadaki, mûthînjîri-Ngai mûnene, na andû acio engî onthe nîmeetîkîre mûgambo wa Ngai-Mûnene Ngai wao, na ciugo cia mûrathi Hagai, wata ûrîa Ngai-Mûnene Ngai wao aamûtûmîte, nao andû nîmeetigîre Ngai-Mûnene.

Hagai 2:4

Kûnarî ûguo, ndûgakue ngoro we Zerubabeli. Îyûmîrîrie we Joshua mûvîcî wa Jehozadaki mûthînjîri-Ngai mûnene. Îyûmîrîrieni mue andû onthe a vûrûri ûyû. Rutani wîra nîûndû nie Ngai-Mûnene mwene vinya wonthe nîrî namue.

Zakaria 1:13

Nake Ngai-Mûnene nîwacokerie mûraika ûrîa twaragia nake na ciugo cia ntha na cia kûmanîrîria.

Zakaria 1:19

Nînaûririe mûraika ûrîa twaragia nake atîrî, “Mvîa ino irenda kwonania atîa?” Nake nîwanjokerie atîrî, “Ino nîcio mvîa irîa inyaganîtie Juda, Isiraeli na Jerusalemu.”

Zakaria 1:9

Nanie nînaamûririe atîrî, “Mwathi wakwa, mbarathi ino ironania atîa?” Mûraika ûrîa wambarîrîrie nîwanjokerie atîrî, “Nîngûkwonia ûrîa irenda kwonania.

Zakaria 2:3

Nînacokire ngîona mûraika ûrîa warîtie nanie aumîra. Nake mûraika wîngî nîwaûkire kûmûtûnga

Zakaria 3:8

Tathikîrîria waro, we Joshua Mûthînjîri-Ngai mûnene. Wa namue athînjîri-Ngai arîa mûtungataga vamwe nake tathikîrîriani. Mue oni a maûndû ma mavinda marîa magaaûka tathikîrîriani. Nîngûreta ndungata yakwa îrîa îtagwa Rûvûa.

Zakaria 4:14

Nîwacokire akîmbîra atîrî, “Aya nî andû aîrî arîa athuure na magetîrîrua maguta nîguo matungatagîre Mwathani wa nthî yonthe.”

Zakaria 6:11

Oca sîlûva na thaavu kuuma kûrî o na ûrûthe ngovia ya ûthamaki na ûmîkîre kîongorî Kîam Joshua Mûthînjîri-Ngai ûrîa mûnene mûvîcî wa Jehozadaki.

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Luka 22:31

Jesû nîwacokire akiuga atîrî, “Simoni, Simoni! Tathikîrîria! Caitani nîmûve rûtha rwa kûmûgeria muonthe na acagûranie andû arîa aro kuuma kûrî arîa acûku, wata ûrîa mûrîmi acagûranagia ngano kuuma kûrî macaki.

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Gûco 18:15

Vandû va ûguo Ngai-Mûnene Ngai wenyu nîakaamûtûmîra mûrathi tanie kuuma kûrî andû enyu. Mûkaamwathîkagîra.

1Pet 5:8

Îkaragani mwîîguîte na mwîvarîrîtie! Nthû yenyu, na nîke Ngoma, araûrûra akîraramaga ta mûnyambû agîcaragia mûndû wa gûcûkangia.

1Sam 6:20

Kwoguo andû a Bethi-shemeshu nîmaaûririe atîrî, “Nî ûrîkû ûngîvota kûrûngama mbere ya Ngai-Mûnene. Ngai ûyû mûtheru? Nîtûmûvira kû nîguo atûthengutîre?”