Zakaria 2:5 - ÎVUKU RÎA ÛVORO MWARO

⁵ Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Zakaria 2:5 ပူးပေါင်းရင်းမြစ်များ

Thaburi 125:2

Wata ûrîa irîma ithiûrûrûkîrîtie Jerusalemu, nwa ta guo Ngai-Mûnene athiûrûrûkîrîtie andû ake, kuuma rîu nginya tene na tene.

Thaburi 3:3

Nwatî we Ngai-Mûnene, nîwe ûngitagîra kuuma ûgwatirî, ûmvecaga ûvootani na ûkambîkîra ûcamba.

Thaburi 46:5

Ngai arî îtûûrarî rîu, na rîtigaacûkangua; Ngai nîagaaûka macangîa kûrîva ûtethio.

Thaburi 48:12

Andû a Ngai, thiûrûrûkani îtûûra rîa Zayuni, na mûtare nyomba ndaca cia rîo;

Thaburi 48:3

Ngai nîwonanîtie atî nîke ûgitanagîra, îtûûrarî rîrîa ririgîre na nthingo cia vinya.

Thaburi 85:9

Nama nîevarîrîtie kûvonokia andû arîa mamwîtigîrîte, nîguo riiri wake ûtûûre vûrûrirî wetû.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 32:18

Andû akwa magaatûûraga kûndû kûrî na thayû, kûndû kûgitîre na kûndû gûtarî na thîna.

Isaia 33:21

Nwatî kûu nîkuo Ngai-Mûnene agaatwoneria riiri wake. Nîgûkethîrwa kûrî na nyûnjî nene na tûrûnjî, kûrîa meri cia mbaara itakaavîtûkîrîra, kana meri irîa nene itonya kuo.

Isaia 4:5

Ngai-Mûnene nîagaacoka atûme kûgîe na matu mûthenya îgûrû rîa Kîrîma gîa Zayuni na kûrî andû arîa magomanîte vo, na ndogo vamwe na kîmûrî Kîam mwaki ûtukû. Îgûrû rîa ûguo, riiri wa Ngai nîûgaakunîka na ûgitîre îtûûra rîonthe.

Jeremia 31:39

Naruo rûrigi rwa kûthima mûvaka nîrûkathiî mbere nginya karîmarî ka Garebu, rûcoke rûrigicûke rûkinye Goa.

Ezek 38:14

“Kwoguo, we mûndû rathîra Gogu ûvoro na ûmwîre Mwathani Ngai-Mûnene augîte: Rîrîa andû akwa a Isiraeli makethîrwa mekarîte marî na thayû nîrîo ûkaathiî

Ezek 42:20

Kwoguo rûthingo rûu rwagaanîtie vandû varîa vatheru na varîa vatarî vatheru. Mîena yonthe yarî na ithimo cieganene: mita magana maîrî na mîrongo îtano (250).

Ezek 47:3

Mûndû ûcio nîwocire kîndû gîa kûthima na akîthima mita magana matano (500) anyûrûrûkanîtie na karûnjî na mwena wa îrathîro. Nîtwathiîrîre kûu manjîrî namo manjî maatûkinyaga nthûng'wa.

Zakaria 1:16

Kwoguo, nînjokete îtûûrarî rînene rîa Jerusalemu nîguo nîrîguîre ntha. Hekarû yakwa nîgaatumwa îtûûrarî rîu rîa Jerusalemu na rîcoke rîtumwe rîngî.”

Zakaria 2:10

Ngai-Mûnene augîte atîrî, “Mue andû a Zayuni inai na mûkene, nîûndû nîngûka na ndûûranie namue!”

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.

Zakaria 9:8

Nîngaagitîra hekarû yakwa ndîkaatharîkîrwe nî nthû; Gûtirî mûndû ûgaacoka kûvinyîrîria andû akwa rîngî, nîûndû rîu nînîreyonera na metho makwa nie mwene.

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.