Zakaria 2:4 - ÎVUKU RÎA ÛVORO MWARO

⁴ na akîmwîra atîrî, “Vinyûra ûthiî wîre mwanake ûrîa ûrî na rûrigi rwa kûthima atî ‘Îtûûra rîa Jerusalemu nîrîtuîka îtûûra rîtarî ririgîre na rûthingo nîûndû rîkethagîrwa na andû eengî mûno na nyamû nyîngî mûno cia kûrîthua.

Zakaria 2:4 ပူးပေါင်းရင်းမြစ်များ

Esita 9:19

Kîu nîkîo gîtûmaga Ayahudi arîa matûûraga na kûu icagirî makenerera mûthenya wa îkûmi na kana wa mweri wa Adari ta mûthenya wa gîkeno na wa kûvurûka. Mûthenya ûyû nîwa kûrîa na wa kûvecana iveo cia mûthemba wa irio kûrî mûndû na ûrîa wîngî.

Isaia 33:20

Taroriani Zayuni îtûûra rîrîa tûkûngûagîra irugo cietû cia ndini. Taroriani Jerusalemu kûndû kûvoreru kwa gûtûûra îgema rîtangîenyenya, nthugî cia rîo itigaakûûrwa, kana mîkanda ya rîo îtuîka.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Isaia 49:20

Ciana ciaku irîa waciarire ûrî îthamîriorî nîigaakwîra rîngî atîrî, ‘Vûrûri ûyû nî mûnini mûno, tûve vandû vengî va gûtûûra!’

Isaia 54:16

“Taroria, nînie naûmbire mûturi wa indo cia cuuma, ûrîa ûvurutaga mwaki wa makara, agacoka agatura indo cia mbaara naguo. Na nwanie naûmbire mûndû ûrîa ûcûkangagia akathiria.

Jeremia 1:6

Nînacokire ngiuga atîrî, “Ûûi, Mwathani Ngai-Mûnene! Taroria, nie ndiîcî kwaria na nîûndû nîrî mûndû mwîthî.”

Jeremia 31:24

Andû a Juda na matûûra ma kuo monthe, arîmi, arîthi arîa mathiûrûrûkaga kûndû na kûndû na ndîthia ciao.

Jeremia 31:27

Ngai-Mûnene arauga atîrî, “Îvinda nîrîgakinya rîrîa ngecûria vûrûri wa Isiraeli na wa Juda andû na nyamû.

Jeremia 33:22

Wata ûrîa njata cia îgûrû na mûthanga ûrîa ûrî ndeererî cia îria ûtangîtarîka, nwa ta guo ngaatûma njiarwa cia Daudi na athînjîri-Ngai a mûvîrîga wa Lawi arîa mandungatagîra mongerereke.”

Ezek 38:11

ûkiugaga atî, ‘Nîngûtharîkîra vûrûri ûrîa ûrî na icagi itarî ngitîre na rûthingo kûrîa andû matûûraga marî na thayû. Andû a kûu matûûraga icagirî itarî mbirigîre na itarî na mîrango ya kûvinga.’

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Danieli 1:4

Anake matarî na wonje, athaka, marî na ûûgî na wara wa mîthemba yonthe, athomu, na marî na ûmenyo, nîguo methîrwe marî agîrîru a gûtungata kwa Mûthamaki mûciî. Mûthamaki nîwaugire mathomithue kwaria na kwandîka rûthiomi rwa Akalidei.

Mika 7:11

Andû a Jerusalemu kavinda nîgagûkinya ga gûtuma nthingo cia îtûûra rîenyu rîngî. Vîndî îo mîvaka ya vûrûri wenyu nîkaanenevua.

Zakaria 1:16

Kwoguo, nînjokete îtûûrarî rînene rîa Jerusalemu nîguo nîrîguîre ntha. Hekarû yakwa nîgaatumwa îtûûrarî rîu rîa Jerusalemu na rîcoke rîtumwe rîngî.”

Zakaria 1:17

“Anîrîra rîngî uge Ngai-Mûnene mwene vinya wonthe augîte atî matûûra ma andû ake nîmagaacoka magacîre mûno, na Ngai-Mûnene aûmîrîrie Zayuni na athuure Jerusalemu.”

Zakaria 12:6

“Vîndî îo nîngaatûma mbarî cia Juda ituîke ta mwaki ûgwakana mûtitûrî, kana ta mwaki ûgwakana mûgûndarî wa ngano îrî nyûmû. Nîikaavîvia ndûrîrî cionthe irîa iithiûrûrûkîrîtie na mwena wa ûrîo na wa ûmotho. Nwatî andû arîa matûûraga Jerusalemu magaatûûra kûu îtûûrarî na thayû.

Zakaria 14:12

Ngai-Mûnene nîagaatûma ndûrîrî irîa ciarûire na Jerusalemu igwatwe nî mûrimû mûcûku. Mîîrî yao nîîkora, na metho mao na nîmî ciao ciore marî mwoyo.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.