Zakaria 2:1 - ÎVUKU RÎA ÛVORO MWARO

¹ Nînaroririe na ngîona kûrî na mûndû warî na rûrigi rwa kûthima arûgwete na njara.

Zakaria 2:1 ပူးပေါင်းရင်းမြစ်များ

Isaia 54:16

“Taroria, nînie naûmbire mûturi wa indo cia cuuma, ûrîa ûvurutaga mwaki wa makara, agacoka agatura indo cia mbaara naguo. Na nwanie naûmbire mûndû ûrîa ûcûkangagia akathiria.

Jeremia 31:39

Naruo rûrigi rwa kûthima mûvaka nîrûkathiî mbere nginya karîmarî ka Garebu, rûcoke rûrigicûke rûkinye Goa.

Jeremia 48:25

Vinya wa Moabu nîmûthirie viû, na ûvoti wake ûgacûkangua. Ûguo nîguo nie Ngai-Mûnene mbugîte.”

Ezek 40:3

Rîrîa aambirire vau, nînoonire mûndû wavenavenagia ta cuuma ya gîcango. Mûndû ûcio aarûngamîte kîvingorî anyitîte kîthimi gîa kamûkumbû na akanyita kîthimi gîa kamûtî.

Ezek 40:5

Nînoonire hekarû îthiûrûrûkîrîtue na rûthingo. Mûndû ûrîa noonete, nîwocire kîthimi gîa kamûtî ka ûraca wa mita ithatû na akîthima rûthingo nako. Rûthingo rûu rwarî rwa mita ithatû (3) kûthiî na îgûrû na ûtungu wa rûthingo warî mita ithatû (3).

Ezek 47:3

Mûndû ûcio nîwocire kîndû gîa kûthima na akîthima mita magana matano (500) anyûrûrûkanîtie na karûnjî na mwena wa îrathîro. Nîtwathiîrîre kûu manjîrî namo manjî maatûkinyaga nthûng'wa.

Ezek 47:4

Nîwacokire akîthima rîngî mita magana matano (500) kûnyûrûrûka na tûkîthiîrîra manjîrî magîtûkinya maru. Akîthima rîngî mita magana matano (500) kûnyûrûrûka, namo manjî magîtûkinya kîûnû.

Danieli 7:7

“Na wandoretie, nyamû ya kana nîyaumîrire. Nayo yarî ya kûmakania na ya magegania, nîûndû wa ûrîa yanenevete. Yarî na magego manene mûno ma cuuma. Nîyatamburûrangire nyamû icio ciîngî inuku, îgîcoka îgîikinyanga na magûrû mayo. Nyamû îo yarî ngûrani na nyamû icio ciîngî cionthe irîa noonete mbere yayo, nîûndû yarî na mvîa îkûmi.

Zakaria 1:16

Kwoguo, nînjokete îtûûrarî rînene rîa Jerusalemu nîguo nîrîguîre ntha. Hekarû yakwa nîgaatumwa îtûûrarî rîu rîa Jerusalemu na rîcoke rîtumwe rîngî.”

Zakaria 1:18

Nînaacokire ngîroria na ngîona mvîa inya.

Kûguû 11:1

Nie nînacokire ngîvewa mûtî wa kûthima wekariî ta mûragi na ngîrwa atîrî, “Thiî ûthime hekarû ya Ngai na metha ya kûrutîra kîgongoona na ûtare andû arîa magoocagîra kuo.

Kûguû 21:15

Nake mûraika ûrîa wambarîrîtie aarî na kamûtî kaathondeketwe na thaavu ga kûthima. Kamûtî kau kaarî ga kûthima îtûûra, mîîrîga yarîo na rûthingo rwarîo.