Zakaria 10:9 - ÎVUKU RÎA ÛVORO MWARO

⁹ Wana ethîrwa nînamanyaganîrîtie mavûrûrirî mengî, marî mavûrûrirî mau ma kûraca, nîmakaandirikana, na vamwe na ciana ciao nîmagaatigara na macoke mûciî kwao.

Zakaria 10:9 ပူးပေါင်းရင်းမြစ်များ

Nehemia 1:9

Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’

Esita 8:17

Matûûrarî monthe kûrîa ndûmîrîri ya mûthamaki yathomirwe Ayahudi nîmagîre na kîrugo gîa gûkûngûîra na gûkenerera. Andû engî eengî a vûrûri ûcio nîmetuire Ayahudi, nîûndû nîmetigagîra Ayahudi.

Isaia 44:21

Ngai-Mûnene arauga atîrî, “We Jakovu, taririkana, we Isiraeli taririkana atî we wî ndungata yakwa. Nie nînie nakûmbire nîguo ûndungatagîre, we Isiraeli nie ndikaariganîrwa nîwe.

Isaia 64:4

Kuuma tene gûtirî mûndû wanegua kana akona Ngai îngî tiga we, ûrîa wîkaga andû arîa mamwîvokete maûndû ta mau.

Isaia 65:23

Matikaarutaga wîra ûtarî na umithio, kana magîa na ciana cia kûnyitagwa nî mathîna; nîûndû nîngaamarathimaga o ene wa vamwe na njiarwa ciao.

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Jeremia 31:27

Ngai-Mûnene arauga atîrî, “Îvinda nîrîgakinya rîrîa ngecûria vûrûri wa Isiraeli na wa Juda andû na nyamû.

Jeremia 51:50

Ngai-Mûnene arera andû ake arîa marî Babuloni atîrî, “Mue arîa mûtigarîte mûtarî aûrage thiîni, mûtigekare ava! Ririkanani Ngai-Mûnene wana ethîrwa mûrî vûrûrirî wa kûraca, na mûririkane îtûûra rîa Jerusalemu.

Ezek 6:9

Nao andû arîa makaavonoka nîmakaandirikana marî mavûrûrirî mau makethîrwa mathamîrîte. Nîmakaaririkana atî nînie nîmaverithîtie nîûndû wa gûtura wîvokeku kûrî nie na makîndiganîria na makîgucîrîrua nî ngai cia mîvuanano. Nao nîmakemena o ene nîûndû wa maûndû marîa marî mûgiro mekaga.

Hosea 2:23

Nîngatûma andû akwa vûrûrirî ûcio mevande na mathatûkwe. Nîngeguîra ntha, ‘Ûrîa ûtegucagîrwa ntha,’ nao arîa metirwe ‘Tî akwa,’ nîngamera, ‘Mue mûrî andû akwa.’ Nao nîmakaauga, ‘We nîwe Ngai wetû.’ ”

Amosi 9:9

“Nîûndû nîngaathana na mvûnge andû a Isiraeli mavûrûrirî marîa mengî, ta ûrîa mûndû avûngaga ngano na gîcungi, na nîngaaruta kîndû kîonthe gîcûku.

Mika 5:7

Nao andû a Isiraeli arîa magaatigara marî mwoyo makethîrwa mekariî ta îme kuuma kûrî Ngai-Mûnene marî gatagatî ka andû arîa engî kana ta mbura ya rûthuthuû rûrîa rûgwîcagîra nyaki, na ndiurithagua nî mûndû nwatî nî Ngai.

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Ciîko 8:4

Nao etîkia onthe arîa maanyagarûkire nîmaathiîre kûndû kuonthe makîvunjagia ûvoro mwaro.

Aroma 11:24

Andû a Ndûrîrî mekariî ta rûvûa rwa mûtamaiyû wa kîthaka rûrîa rûkavûre rûgacoka rûgaciarithanua na njîra îtarî ya kîndûîre na mûtî wa mûtamaiyû wa mûgûndarî. Ayahudi mekariî ta mûtî ûcio wa mûgûndarî. Nîûndû wa ûguo nî ûvûthû Ngai gûcokanîrîria mvûa icio ngavûrange cia kîndûîre mûtîrî wa cio.