Zakaria 10:4 - ÎVUKU RÎA ÛVORO MWARO

⁴ Juda nîgûkaauma athamaki a mîthemba mîîngî, atongoria mekariî ta îthiga rîa kona, kana gîkingi Kîam îgema, na marî na vinya ta ûta ûrîa ûvûthagîrwa mbaararî.

Zakaria 10:4 ပူးပေါင်းရင်းမြစ်များ

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

Ezira 9:8

Nwatî Ngai-Mûnene, Ngai wetû, gwa kavinda kanini wîthîrîtwe ûgîtwîguîra ntha na ûgatûma amwe etû tuume ûkomborî na tûtûûre kûndû gûkû kûtheru tûrî agitîre.

Thaburi 118:22

Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.

Isaia 19:13

Atongoria a Zoani nî aritu, na atongoria a Memufisi nîaveenie; magîrîrwe nî gûtongoria andû, nwatî nîmavîtithîtie vûrûri wa Misiri.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 49:2

Ke nîwatûmire ciugo ciakwa ciûvîge ta rûviû rûrîa rûûgî, na akînthitha rungu rwa kîruru Kîam njara yake. Aanduire ta mûguî ûrî mûvarîrie gûtûmîrwa, na akînthitha thiakarî yake.

Isaia 54:16

“Taroria, nînie naûmbire mûturi wa indo cia cuuma, ûrîa ûvurutaga mwaki wa makara, agacoka agatura indo cia mbaara naguo. Na nwanie naûmbire mûndû ûrîa ûcûkangagia akathiria.

Jeremia 1:18

Taroria, ûmûnthî nîngûgûtua îtûûra ririgîre, gîtugî gîa cuuma na rûthingo rwa gîcango, nîguo wîtîkîre atongoria onthe a vûrûri, athamaki a Juda, anene onthe, athînjîri-Ngai onthe, na andû onthe a vûrûri ûcio matigakûvoota.

Jeremia 51:20

Ngai-Mûnene arauga atîrî, “We Babuloni nîwe nyondo na indo ciakwa cia mbaara, nîwe ndûmagîra kwananga mothamaki.

Zakaria 9:10

Ngai mûnene nîakaathengutia ikaari cia mbaara ciume Efiraimu, na athengutie mbarathi cia mbaara ciume Jerusalemu, naguo ûta ûrîa ûvûthagîrwa vîndî ya mbaara nîûkaaunangwa. Mûthamaki nîagaatûma ndûrîrî igîe na thayû, wathani wake ûkaauma îriarî kûthiî nginya îriarî, na kuuma rûnjîrî nginya mîthiia ya nthî.

Zakaria 9:8

Nîngaagitîra hekarû yakwa ndîkaatharîkîrwe nî nthû; Gûtirî mûndû ûgaacoka kûvinyîrîria andû akwa rîngî, nîûndû rîu nînîreyonera na metho makwa nie mwene.

Ndari 24:17

Nînîrona ûrîa ûgaaûka vuvarî, nînîramwona nwatî ndarî vakuvî. Nîakaaumîra ta njata kûrî njiarwa cia Jakovu, gatagatîrî ka andû a Isiraeli nîgûkaauma Mûthamaki. Nîakaathiria atongoria a Moabu, na acûkangie njiarwa cionthe cia Sethi.

Mathaayo 9:38

Kwoguo voyani nîguo mwene maketha atûme aruti wîra nîguo makaûnganie maketha make.”

Luka 20:17

Nwatî Jesû nîwamakûrîre metho na akîmeera atîrî, “Mûtaûkagîrwa atîa vi nî Mandîko marîa maugaga: ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.’

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

2Tim 2:4

Mûthigari arî mbaararî endaga gûkenia mûnene wake, kwoguo ndavutanagia na maûndû mengî tiga wa ûrîa avetwe.

1Pet 2:6

Nîûndû mandîkorî matheru Ngai augîte atîrî, “Nîngwiga îthiga rîrîa nthuurîte Zayuni, îthiga rîu nî rîa goro. Mûndû wa wonthe ûmwîtîkagia ndagaaconorithua.”

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

1Sam 14:38

Kwoguo Saûlo nîwerire atongoria onthe a andû atîrî, “Ta ûkani ava twîthugunde nîguo tûmenye nî wîvia ûrîkû wîkîtwe ûmûnthî.