Zakaria 10:3 - ÎVUKU RÎA ÛVORO MWARO

³ Ngai-Mûnene mwene vinya wonthe augîte atîrî, “Nîndakarîtue mûno nî arîthi, na nîngaaverithia atongoria nîûndû Ngai-Mûnene nî amenyagîrîra andû ake a Juda; nîakaamatua ta mbarathi ciake cia mbaara irî na vinya.

Zakaria 10:3 ပူးပေါင်းရင်းမြစ်များ

Ayubu 39:25

Rîrîa karumbeta kavuvwa, nîîraramaga; îrî kûraca nîîgucaga mbaara îkînunga, nîîgucaga anene a mbaara makîathana maugîrîrîtie.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Nthi 21:31

Mbarathi nwa îvarîrîrue nîûndû wa mbaara, nwatî Ngai-Mûnene nîke ûvotithanagia kûvootana.

Rwîmbo rwa Nyîmbo 1:9

We mwendwa wakwa ûrî mûthaka, nîrakûringithania na mbarathi cia njamba cia ikaari cia mûthamaki wa Misiri.

Isaia 10:12

Rîrîa Mwathani akaarîkia wîra wake wonthe Kîrîmarî gîa Zayuni na Jerusalemu, nîakaaverithia mûthamaki wa Asîria nîûndû wa mwîcaaro na mwîtîîo wake.

Isaia 24:21

Mûthenya ûcio Ngai-Mûnene nîakaaverithia ciûmbe, ciûmbe cia îgûrû ikaaverithîrua kûu îgûrû, na athamaki a nthî maverithîrue gûkû nthî.

Jeremia 10:21

Nîûndû arîthi nî irimû, na mativoyaga Ngai-Mûnene kîrîra, kwoguo methîrîtwe matakûthiî na mbere, na ng'ondu ciao cionthe ikanyagania.

Jeremia 11:22

Kwoguo Ngai-Mûnene mwene vinya wonthe arauga atîrî, “Nîngûmaverithia. Andû ethî nîmakaûragîrwa mbaararî. Anake na erîtu ao nîmagaakua nî yûra.

Jeremia 25:12

Mîaka mîrongo mûgwanja yathira nîngaverithia mûthamaki wa Babuloni na vûrûri ûcio. Nîngacûkangia vûrûri ûcio wa Akalidei nîûndû wa mevia mao na ndûme ûtûûre ûrî îganjo tene na tene.

Jeremia 25:34

Mue arîthi rîrani mugîrîrîtie, îgaragarieni mûurî mue atongoria a ng'ondu, nîûndû mîthenya yenyu ya kûthînjwa na kûnyaganua nîmîkinyu, mûkaûragwa ta ndûrûme irîa ithuurîtwe.

Jeremia 50:6

“Andû akwa mekariî ta ng'ondu ciûrîte, ivîtithîtue njîra nî arîthi ikerekera irîmarî. Maraûrûra kuuma kîrîma kîmwe nginya kîrîa kîngî, nginya makariganîrwa nî kûrîa maumîte.

Ezek 34:11

“Nie Ngai-Mûnene Ngai nîrauga atî, nie mwene nîngaacaria ng'ondu ciakwa na nîimenyerere.

Ezek 34:12

Wata ûrîa mûrîthi acaragia ng'ondu irîa inyaganîtie, nîguo nie ngaacaria ng'ondu ciakwa na nîivonokie kuuma kûrîa kuonthe inyaganîrîtie mûthenya ûrîa gûkethîrwa kûrî na matu na nduma nene.

Ezek 34:2

“Mûndû, rathîra arîthi a Isiraeli na ûmere ûrîa nie Ngai-Mûnene Ngai mbugîte. Meere atî marî na thîna nîûndû merîthagia o ene. Anga arîthi matiagîrîrwe nî kûrîthia ng'ondu?

Danieli 11:32

Mûthamaki ûcio nîakaagucîrîria na njîra ya maveeni arîa onthe mareganîte na ndini yao, nwatî arîa marûmagîrîra Ngai nîmakaaregana nake.

Zefania 1:8

Ngai-Mûnene arauga atîrî, “Mûthenya wa îgongoona rîakwa, nîngaverithia anene na ciana cia athamaki, na arîa onthe marûmagîrîra mîtugo ya ûgeni.

Zefania 2:7

Andû a Juda arîa magaatigara nîo mageyocera vûrûri wenyu. Nîo makaarîthia mbûri ciao kuo na mamamage nyombarî cia Ashikeloni. Ngai-Mûnene nîakethîrwa arî Ngai wao, nîakethîrwa nao na amacokerie maûndû mao maro.

Zakaria 11:17

Mûrîthi ûcio wakwa ûtarî mwaro arî na thîna, ûcio ûtiganagîria ndîthia ya ng'ondu! Arotinua njara yake na arokûrwa ritho rîake rîa mwena wa ûrîo. Tiga njara yake îtuîke kîonje vuru na ritho rîake rîa mwena wa ûrîo rîûre ûrû!”

Luka 1:68

“Mwathani Ngai wa Isiraeli arokumua! Nîûndû nîacerere andû ake, na akamakûûra kuuma ûkomborî.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

Ruthu 1:6

Vuvarî, Naomi nîwegwire atî Ngai-Mûnene nîwarathimîte andû ake na njîra ya kûmava maketha maro. Kwoguo Naomi nîwevarîrie nîguo aume vûrûrirî ûcio wa Moabu na acoke kwao marî na aa nyaciarawe acio maatigîtwe nî avîcî ake rîrîa maakuire.