Tito 3:2 - ÎVUKU RÎA ÛVORO MWARO

² Merage matikaragie ûcûku wa mûndû wana ûrîkû, nwatî methagîrwe marî na thayû na mendanîte na monanagie ûvoreri kûrî andû onthe.

Tito 3:2 ပူးပေါင်းရင်းမြစ်များ

2Sam 22:36

Ngai-Mûnene nîwe ûngitagîra na ûkamvonokia, ûtethio waku nîguo ûtûmîte neneve.

Thaburi 140:11

Tiga arîa macambanagia matigekindîrie vûrûrirî, andû arîa aganu marocokererwa nî maûndû macûku na mamathirie wa rîmwe.

Nthi 19:19

Mûndû ûrakaraga na îvenya nwanginya akaaverithua, nîûndû ûngîmûruta thînarî, nwanginya ûkaamûruta kuo rîngî.

Nthi 25:24

Nîkava kûmama rûgitorî rwa nyomba, gûkîra kûmama nyombarî îmwe na mûndûmûka wa înegene.

Nthi 6:19

mûruti ûira ûrîa waragia maveeni, na mûndû unjugaga andû a mûciî magîe na thîna.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Mathaayo 11:29

Ocani îcoki rîakwa mwîkîre na mwîrute na nie, nîûndû nie nîrî mûvoreri na nîmwînyivia ngororî yakwa na nîmûkûvurûka.

Ciîko 23:5

Nake Paûlo nîwamacokerie atîrî, “Ariû na aarî a îthe wetû, nie ndiraicî atî ke nî Mûthînjîri-Ngai ûrîa mûnene. Nîkwandîkîtwe mandîkorî matheru atîrî, ‘Ndûkanarie ûndû mûcûku wîgiî mûnene wa andû enyu.’ ”

1Akor 6:10

kana maîaga kana arîa akoroku, kana mîrîu ya njovi, kana arumani wana kana acunani gûtirî mûndû wana ûmwe gatagatîrî ka acio ûkaagaîrwa ûthamaki wa Ngai.

1Akor 9:19

Nie ndirî ngombo ya mûndû wana ûmwe; nwatî nînîtuîte ngombo ya andû onthe nîguo ngucîrîrie andû eengî wa ûrîa nîngîvota.

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Aefeso 4:2

Mavinda monthe îthagîrwani mwînyivîtie, mûvorerete na mûkirîrîrîtie. Onanagiani wendani wenyu na njîra ya gûkiranîrîria mûndû na ûrîa wîngî.

Aefeso 4:31

Thiriani marûrû, marakara na mang'ûrîka. Mûtikanatetie wana kana mûrume andû arîa engî. Mûtikanamene mûndû wana ûrîkû.

Afil 4:5

Gûkirîrîria kwenyu nîkûmenywe nî andû onthe. Mwathani arî vakuvî gûka.

1Ath 2:7

Wana ethîrwa nîtûngîekire ûguo na wathani wetû ta atûmwa a Kristû. Nwatî twekaranirie namue tûrî na ûvoreri wata ûrîa ng'ina wa ciana amenyagîrîra ciana ciake.

1Tim 3:11

Aka ao nao magîrîrwe nîkwîthîrwa marî na mîtugo mîaro na matarî na ngutû. Nwa nginya methîrwe marî andû meîguîte na marî evokeku maûndûrî monthe.

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Jakuvu 4:11

Ariû na aarî a îthe wetû, tigagani gûcambania. Mûndû ûrîa ûcambagia mûkristiano ûrîa wîngî kana akamûtuîra, nî acambagia watho na agaûtuîra. Mûndû ûtucagîra watho, ndawathîkagîra nwatî nîatuîkaga mûtucanîri.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.

1Pet 3:10

Mandîko Matheru maugîte atîrî: “Mûndû wa wonthe wendete mwoyo wake, na wendaga gûtûûra akenete, nwanginya atige kwaragia maûndû macûku, na atige kwaragia maveeni.

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

1Pet 4:4

Andû arîa matetîkîtie Ngai nîmamakîte nîûndû mûtiranyitanîra nao mûtûûrîrerî ûcio wa waganu na wa wanangi. Kwoguo nîmaramûcambia.

2Pet 2:10

Andû arîa makaaverithua nî arîa marûmagîrîra merirîria macûku ma mîîrî yao, na makanyarara wathani wa Ngai. Arimû a maveeni nî aûmîrîru na nî ndûrîka na mationanagia gîtîîo kûrî ciûmbe cia îgûrû irîa irî riiri, vandû va ûguo nîkwa mairumaga.

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.

Juda 1:8

Na njîra wata îo, andû arîa matonyete gatagatîrî kenyu nîmacûkangagia mîîrî yao vîndî îrîa magîa na cioneki. Nao nîmanyararaga wathani wa Ngai na makaruma ciûmbe cia îgûrû irîa irî riiri.