Tito 3:13 - ÎVUKU RÎA ÛVORO MWARO

¹³ Geria mûno gûtethia Zena ûrîa wakiri na Apolo nîguo mambîrîrie rûgendo rwao, na wone atî marî na indo cionthe irîa mangîenda nîûndû wa rûgendo.

Tito 3:13 ပူးပေါင်းရင်းမြစ်များ

Mathaayo 22:35

Na mûndû ûmwe gatagatîrî kao warî mwarimû wa Watho nîwageririe kûmûtega na akîmûria atîrî,

Luka 10:25

Vîndî îmwe mwarimû ûmwe wa watho nîwarûngamire akîenda kûgeria Jesû na akîmûria atîrî, “Mwarimû, nie nîngîka atîa nîguo ngaagaîrwa mwoyo wa tene na tene?”

Luka 11:45

Nake mwarimû ûmwe wa watho nîwerire Jesû atîrî, “Mwarimû, vîndî îrîa ûkuga ûguo, wa natue nî ûratûruma!”

Luka 11:52

“Na kaî mue arimû a watho mûrî na thîna-î! Nîûndû mue mûrî aigu cavi îrîa îrugûraga mûrango wa gûtonya nyombarî îrîa andû magîcagîra ûmenyo. Mue mûtirî atonyu nyombarî îo na nwakwa mûragirîrîria andû arîa marenda gûtonya!”

Luka 14:3

Nake Jesû nîwaûririe arimû a Watho na Afarisai atîrî, “Watho wetû-î, nîwîtîkîrîtie mûndû avonanie mûthenya wa thavatû kana ndwîtîkîrîtie?”

Luka 7:30

Nwatî Afarisai na arimû a Watho nîmaaregire gwîtîkia atî njîra cia Ngai nî nûngarû vîndî îrîa o maaregire kûvatithua nî Johana.

Ciîko 15:3

Kwoguo kanitha nîyamaugîre ûvoro, nao makîvîtûkîrîra mavûrûrirî ma Foenike na Samaria makîvecaga andû ûvoro wîgiî ûrîa andû a ndûrîrî maagarûrûkîte. Naguo ûvoro ûcio nîwatûmire etîkia onthe makene mûno.

Ciîko 18:24

Na kavindarî wa kau, Mûyahudi ûmwe wetagwa Apolo na waciarîrîtwe Alekisandiria, nîwaûkire kûu Efeso. Ke aarî mûndû waicî kwaria waro na waicî Mandîko Matheru waro.

Ciîko 19:1

Na vîndî îrîa Apolo aarî Korinitho, Paûlo nîwavîtûkîrîre mwena wa rûgûrû na agîkinya Efeso. Nake nîwethîre arutwa amwe kuo

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.

Ciîko 28:10

Nao andû acio nîmaatûvere indo nyîngî. Na rîrîa twevarîrie kuuma kûu, nîmeekîrire indo nyîngî merirî irîa twavatarîte nîûndû wa rûgendo.

Aroma 15:24

nîmbîrîgîrîrîte gwîka guo rîu. Mbere ya gûkinya Sipania, nwa mende kûmwona na narîkia gûkenanîra na mue gwa kavinda, mûndethereria kûthiî kuo.

1Akor 16:11

Kwoguo mûtigetîkîrie mûndû wana ûmwe gatagatîrî kenyu amûnyarare. Nwatî mûtethererieni avote kûthiî na mbere na rûgendo rûu arî na thayû nîguo agaacoka kûrî nie. Na nie tûrî na ariû na aarî a îthe wetû nîtûmwetererete.

1Akor 16:12

Na rîu ûvoro wîgiî Apolo mûrû wa îthe wetû nî atî, mavinda meengî nîmbîthîrîtwe ngîmûthaitha aûke amûcerere marî vamwe na ariû na aarî a îthe wetû arîa engî. Nwatî ndarenda wana vanini gûka rîu. Nîagaaûka kûrî mue rîrîa akaagîa na kanya.