Tito 2:12 - ÎVUKU RÎA ÛVORO MWARO

¹² Wega ûcio wa Ngai nîûtûtaaraga tûreganage na maûndû marîa matarî ma ûngai na tûtigane na merirîria ma maûndû ma gûkû nthî. Wega ûcio nîûtûtaaraga twîkarage twînyitîtie maûndûrî, tûrî andû arûngîrîru na twîtîkîtie Ngai rîrîa tûrî nthî îno.

Tito 2:12 ပူးပေါင်းရင်းမြစ်များ

Thaburi 105:45

nîguo andû ake makaathîkîra mawatho make, na kûvingia maathani make. Kumiani Ngai-Mûnene!

Thaburi 4:3

Menyani atî Ngai-Mûnene nîethuurîrîte andû ake arîa atheru, na nîambîgucaga rîrîa namwîta.

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Mathaayo 12:32

Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Luka 1:75

na tûtûûre tûrî atheru na athingu methorî make, mîthenya yonthe ya ûtûûro wetû.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 6:25

Rîrîa andû meethîrîrie Jesû mûringo ûcio wîngî wa îria, nîmaamûririe atîrî, “Mwarimû, nîkwa ûûkire gûkû rî?”

Ciîko 24:16

Kwoguo vîndî cionthe nie ngeragia gwîka wa ûrîa nîngîvota, nîguo mbîthagîrwe nîrî na thamiri ntheru methorî ma Ngai na ma andû.

Ciîko 24:25

Nwatî vîndî îrîa Paûlo aathiîcaga na mbere kwaria ûvoro wîgiî ûthingu, ûvoti wa kwatha merirîria ma mwîrî na mavinda marîa Mûthenya wa îtuîro ûgaakinya, Feliki nîwanyitirwe nî guoya na akiuga atîrî, “We nwa ûthiî rîu. Nagîa na kanya nîngaagwîta rîngî.”

Aroma 12:2

Mûtikagarûrûke atî nîguo mwîkare ta andû a gûkû nthî, nwatî îtîkîrani Ngai agarûre meciria menyu viû nîguo matuîke macerû. Mweka ûguo mûkaavotaga kûmenya wendi wa Ngai. Mûkaavotaga kûmenya ûndû ûrîa mwaro na ûngîmûkenia na ûrîa mûkinyanîru.

Aroma 6:12

Kwoguo mûtikanareke mevia mathamakage mîrirî yenyu îo îkuucaga atî nîguo mwathîkagîre merirîria mayo.

Aroma 6:19

(Nîramwarîrîria ngîtûmagîra ngerekano irîa mûngîtaûkîrwa nîcio nîûndû mûtirî na vinya wa gûtaûkîrwa nî maûndû monthe.) Vîndî îmwe nîmwevecanîte magatuîka ngombo cia maûndû macûku na mwecûrîtwe nî waganu nîûndû nîmwekaga maûndû macûku. Na njîra wata îo nîmwagîrîrwe nî kwîvecana viû mûtuîke ngombo cia maûndû ma ûthingu.

Aroma 8:13

Nîûndû mwatûûra mwathagwa nî maûndû ma mwîrî nîmûgaakua. Nwatî ethîrwa na njîra ya Roho nîmûkûûraga ciîko cienyu njûku irîa mwîkaga, nîmûgûtûûra mwoyo.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Agal 1:4

Kristû nîwerutire ke mwene nîûndû wa mevia metû nîguo atûkûûre kuuma maûndûrî marîa macûku ma mavinda mama. Kristû eekire ûguo kûringana na wendi wa Ngai na nîke îthe wetû.

Agal 5:24

Nao arîa metanîtue na Kristû Jesû nîmaûragîte ûmûndû wao wa vamwe na ngumba na merirîria maguo macûku.

Aefeso 1:4

Na njîra ya kwîthîrwa tûrî kîndû kîmwe na Kristû, Ngai nîwatûthuurire tûtuîke andû ake atheru na matarî na ûcuke mbere yake. Nîûndû wa wendo wake,

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

1Ath 4:7

Ngai aatwîtire tûtûûre tûrî atheru, nwatî tî tûtûûre tûkîvagia.

1Ath 4:9

Gûtirî na vata ya kûmwandîkîra ûvoro wîgiî kwenda ariû na aarî a îthe wetû, nîûndû Ngai nîamûthomithîtie ûrîa mwagîrîrwe nî kwendana.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Tim 6:9

Nwatî andû arîa meriragîria gûtonga nîmagûcaga mageriorî na mûtegorî wa kwîrirîria maûndû ma ûrimû na ma kûmacûkangia.

2Tim 3:12

Mûndû wa wonthe wendaga gûtûûra arî mûrûmîrîri wa Jesû Kristû nwa nginya anyamarue.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Ahib 8:11

Gûtirî mûndû gatagatîrî kao ûkaathomithia mûndû ûrîa wîngî, kana merane atîrî, ‘Menya Mwathani.’ Nîûndû andû onthe nîmakaamenya, kuuma ûrîa mûnene nginya ûrîa mûnini.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.

2Pet 3:11

Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

1Joh 2:6

arîa maugaga atî matûûraga marî ngwatanîro na Ngai magîrîrwe nî gûtûûra ta ûrîa Jesû Kristû aatûûraga.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

Juda 1:18

O maamwîrire atîrî, “Vîndî îrîa mavinda ma mûthiia magaakinya, nîgûkaumîra andû makaamûnyûrûria, na marûmagîrîra merirîria mao matarî ma ûngai.”

Kûguû 14:12

Ava varenda ûmîrîru wa andû a Ngai arîa mavingagia maathani make na mevokete Jesû.