Tito 1:8 - ÎVUKU RÎA ÛVORO MWARO

⁸ Mûtongoria wa kanitha agîrîrwe nîkwîthîrwa arî mûndû mûtugani, mûndû wendete maûndû marîa maro, mwînyitia maûndûrî, mûndû mûrûngîrîru, mûndû mûtheru na mûndû wîyathîte.

Tito 1:8 ပူးပေါင်းရင်းမြစ်များ

1Atha 5:1

Hiramu mûthamaki wa Turo nîwatûmire ndungata ciake kûrî Solomoni rîrîa eegwire atî andû nîmaathuurîte Solomoni atuîke mûthamaki vuva wa îthe Daudi. Ekire ûguo nîûndû aatûûrîte endete Solomoni.

1Atha 5:7

Rîrîa Hiramu eegwire ndûmîrîri ya Solomoni nîwakenire mûno na akiuga atîrî, “Ngai-Mûnene arogoocwa ûmûnthî nîûndû wa kûva Daudi mûvîcî ûrî na ûûgî nîguo atuîke mûthamaki wa vûrûri ûcio mûnene ûguo vuva wake!”

Thaburi 16:3

Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

Amosi 5:15

Thûrani maûndû macûku na mwende maûndû maro, na mûrûmagîrîre kîvooto magootirî. Nwa kwîthîrwa Ngai-Mûnene, Mwene vinya wonthe nwa akinyîrie njiarwa cia Josefu irîa itigarîte wega wake.

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Ciîko 24:25

Nwatî vîndî îrîa Paûlo aathiîcaga na mbere kwaria ûvoro wîgiî ûthingu, ûvoti wa kwatha merirîria ma mwîrî na mavinda marîa Mûthenya wa îtuîro ûgaakinya, Feliki nîwanyitirwe nî guoya na akiuga atîrî, “We nwa ûthiî rîu. Nagîa na kanya nîngaagwîta rîngî.”

1Ath 2:10

Mue mûrî aira wana Ngai nî mûira wetû atî rîrîa twarî namue, mue arîa mwîtîkîtie twarî na mîtugo mîaro na îtaarî na ûcuke.

1Tim 3:2

Mûtongoria wa kanitha nwa nginya ethîrwe atarî na ûcuke, nwa nginya ethîrwe avikîtie mûndûmûka ûmwe tu, mûndû wîîguîte, mûndû ûrî na ûvoti wa kwatha merirîria ma mwîrî, mûndû ûrî na mîthiîre mîaro, mûndû ûgwataga andû ûgeni gwake mûciî, mûndû ûngîvota kûthomithia.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

2Tim 3:3

Andû matangîtugana, andû matarî ntha, andû a ngutû, andû matûmaga andû magîa na guoya na andû mathûraga maûndû marîa maro,

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.

1Joh 5:1

Mûndû wa wonthe wîtîkîtie atî Jesû nîke Mesaya nî mwana wa Ngai, na mûndû wa wonthe wendete mûciari nîwendete wana nginya mwana.

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.