Tito 1:6 - ÎVUKU RÎA ÛVORO MWARO

⁶ nwa nginya mûthuuri wa kanitha ethagîrwe atarî na ûcuke, na ethîrwe avikîtie mûndûmûka ûmwe. Ciana ciake nwa nginya ciîthagîrwe ciîtîkîtie Jesû Kristû, irî na ngumo mbaro na irî mbathîki.

Tito 1:6 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Nthi 28:7

Mwana ûrîa wathîkagîra watho ethagîrwa arî mûûgî, nwatî ûrîa ûtumaga ûrata na arîa akoroku nîaconorithagia îthe.

Ezek 44:22

Gûtirî mûthînjîri-Ngai ûkaavikia mûndûmûka matiganîte na mûrûme, nwa avikirie mwîrîtu nthingi Mûisiraeli kana mûndûmûka wa ndigwa wa mûthînjîri-Ngai wîngî akuîte.

Alawi 21:14

Ndakaavikia mûndûmûka wa ndigwa kana mûndûmûka matiganîte na mûrûme kana mûndûmûka îraa. Akaavikia mwîrîtu nthingi kuuma kûrî andû a mbarî yao,

Alawi 21:7

Gûtirî mûthînjîri-Ngai ûkaavikia mûndûmûka mûmaraa kana mûndûmûka ûtarî nthingi kana mûndûmûka matiganîte na mûrûme, nîûndû mûthînjîri-Ngai nî mûndû mûtheru.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.

Luka 1:5

Vîndî îrîa Herode aarî mûthamaki wa Judea, kwarî na mûthînjîri-Ngai wetagwa Zakaria, ûrîa warî wa gîkundi Kîam athînjîri-Ngai Kîam Abija. Mûka eetagwa Elizabethi na aarî wa mûvîrîga wa Aroni.

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

1Tim 1:9

Nîmwîcî atî watho ndwatuirwe nîûndû wa andû arîa aro, nwatî watuirwe nî ûndû wa andû arîa maunaga watho, arîa aganu, arîa matecî Ngai, arîa evia, arîa matavoyaga Ngai na maragia ûcûku wake, arîa maûragaga aciari ao na aûragani.

1Tim 3:12

Mûtungati agîrîrwe nî kwîthîrwa avikîtie mûndûmûka ûmwe tu na ethîrwe avotete kûmenyerera ciana ciake na andû a mûciî wake waro.

Tito 1:10

Nama kûrî andû eengî, na makîria arîa maumîte ndinirî ya Ayahudi, arîa makararagia na makaveenia andû na maûndû mao matarî vata.

1Sam 2:11

Vuva wa ûguo Elikana nîwacokire gwake mûciî Rama. Nake Samueli nîwatigirwe kûu Shilo agîtungatagîra Ngai-Mûnene akîonagîrîrua nî mûthînjîri-Ngai Eli.

1Sam 2:22

Vîndî îo Eli aarî mûkûrû mûno. Ke nwa wegucaga maûndû monthe marîa anake ake meekaga andû onthe a Isiraeli, wana nginya ûrîa maamamaga na aka arîa maatungataga marî mûrangorî wa îgema kûrîa Ngai-Mûnene eethagîrwa arî.