Tito 1:5 - ÎVUKU RÎA ÛVORO MWARO

⁵ Tito, nie naagûtigire Kirete nîguo ûthondeke maûndû marîa maarî mavîtanu, na wa îtûûra, ûthuure athuuri a kanitha. Ririkana ûrîa naakwathire atî:

Tito 1:5 ပူးပေါင်းရင်းမြစ်များ

1Maû 6:32

Nîmaarûmagîrîra mûvango wa ûtungata wa nyîmbo îgemarî rîa Ngai-Mûnene nginya rîrîa mûthamaki Solomoni aatumire hekarû kûu Jerusalemu.

Mûvunjia 12:9

Mûvunjia aarî mûndû mûûgî, kwoguo nîwathomithagia andû maûndû marîa aaicî. Nîwethomithirie nthimo na agîituîria waro nîguo amenye ûma wacio.

Isaia 44:7

Nû wîkariî tanie, ta nîauge, tiga onanie na arie arî mbere yakwa. Nû wanîrîre tene ûvoro wa maûndû marîa magekîka vuvarî? Tiga atwîre maûndû marîa magekîka.

Alawi 14:42

Andû nî magaacoka moce mathiga mengî na mamekîre varîa mau mengî mararî na moce ndaka îngî na mathinge nyomba nayo.”

Ciîko 11:30

Kwoguo nîmaarutire mbeca na makîinenganîra kûrî Baranaba na Saûlo nîguo maivire kûrî athuuri a kanitha.

Ciîko 14:23

Na wa kanitha wa kanitha nîmaamîthuurîre athuuri na njîra ya kûvoya na kwînyerekia. Athuuri acio nîmeevokete Mwathani, na kwoguo Paûlo na Baranaba nîmaamaigire njararî cia Mwathani.

Ciîko 2:11

Ayahudi wana andû arîa magarûrûkîte magacoka gûtuîka a kûrûmîrîra Kîyahudi. Nao arîa engî etû nî a kuuma Kurene na Arabia. Nwatî tuonthe nîtûregua andû acio makîaria na nthiomi cietû, marerana ûvoro wa maûndû manene marîa Ngai ekîte!”

Ciîko 27:12

Na nîûndû kîrûngamo kîu Kîam meri gîtiarî Kîamro mûno gîa gwîkarwa vîndî ya mbevo, andû eengî nî meendire tuume kûu, nîguo kûngîvoteka tûkinye Foenike na twîkare kuo îvinda rîa mvevo. Foenike rîarî îtûûra rîarî gîcîgîrîrarî gîa Kirete na rîarî na kîrûngamo Kîam meri Kîamroretie mwena wa gatagatî ka îveti na îthûîro, na mwena wa gatagatî ka rûgûrû na îthûîro.

Ciîko 27:13

Rîrîa rûkûngi rûnini rwambîrîrie kûvurutana rumîte mwena wa îveti, andû arîa maarî merirî nîmeciririe atî nwa mathiî na mbere na mûvango wao. Kwoguo nîmaagucirie icuuma ndito irîa inyûrûrûkagua îriarî nthî nîguo inyitîrîre meri nîguo îrûngame. Nîmaatwîre meri na makîthiî megiritanîtie na rûtere rwa gîcîgîrîra Kîam Kirete.

Ciîko 27:21

Nao andû arîa maarî merirî nîmeekarîte îvinda îraca mûno matakûrîa wa naarî kîndû. Nake Paûlo nîwarûngamire vau mbere yao na akîmeera atîrî, “Athuuri aya, mue mûngîranthikîrîrie, tûtingîraumire Kirete na indo cietû itingîcûkangîtue wana kana ikaûra.

Ciîko 27:7

Na kwa îvinda rîa mîthenya mîîngî, nîtwathiîre kavora tûrî merirî. Na vuva wa kûrîa thîna mûno nîtwakinyire vakuvî na îtûûra rîa Kinidu. Nîtwaremirwe nî kûthiî na mbere nîûndû rûkûngi rwavurutanaga rumîte na kûrîa twathiîte. Kwoguo nîtwathiîre tûrî merirî na tûkîthiî mwena wa îveti wa gîcîgîrîra gîa Kirene tûkîvîtûkîrîra Salomone.

1Akor 11:34

Mûndû wa wonthe mûvûtu, nîambage kûrîa mûciî, nîguo rîrîa tûcemanîtie vamwe Ngai ndagatûtuîre. Rîrîa ngaaûka kûrî mue nîngamwatha ûrîa mûgeeka maûndû mau mengî.

1Akor 14:40

Maûndû monthe magîrîrwe marûthagwe na njîra mbaro na îrî na mûvango.

1Akor 4:17

Na kîu nîkîo kîratûma ndûme Timotheo kûrî mue. Ke nî mwana wakwa ûrîa mendete na nîmwîvokeku mûtûûrîrerî wake wa Ûkristiano. Nîakûmûririkania maûndû marîa nûmagîrîra mûtûûrîrerî wakwa mûcerû nîrî ûrûmwe na Jesû Kristû. Maûndû mau nîmo nthomithanagia makanitharî monthe marîa marî kûndû kuonthe.

Akol 2:5

Nîûndû wana ethîrwa tûtirî vamwe kîîmwîrî, tûrî vamwe kîîroho na nîreciria ûrîa mûngîtetheka. Nîngenete nî kwona mûvango wenyu mwaro na ûrîa mûtwîre mwîtîkîtie Kristû mwîkindîrîtie.

1Tim 1:3

Nîrenda wîkare Efeso wata ûrîa nakûthaithire rîrîa nathiîte Makedonia. Andû amwe kûu Efeso nîmarathomithania maûndû matarî ma ma, na nwanginya ûmakaanie matige gwîka ûguo.

2Tim 2:2

Maûndû marîa weguire ngîaria nîrî mbere ya aira eengî mathomithie andû arîa evokeku, nîguo nao mathomithie andû arîa engî.

Tito 1:12

Mûrathi ûmwe gatagatîrî kao na wanake aarî wa kuuma Kirete, augire atîrî, “Andû a Kirete nîmaveenanagia vingo cionthe na nî acûku ta nyamû cia kîthaka na nî igûta ngoroku.”