Thaburi 99:3 - ÎVUKU RÎA ÛVORO MWARO

³ Andû onthe nîmakumie rîîtwa rîake rînene na rîa gwîtigîrwa! Ke nî Mûtheru!

Thaburi 99:3 ပူးပေါင်းရင်းမြစ်များ

Nehemia 1:5

Navoire ngiugaga atîrî, “Ngai-Mûnene, Ngai wa îgûrû! Wî Ngai mûnene na nîtûgwîtigîrîte. We Ngai nîwigaga kîrîkanîro na ûrî wendo ûtathiraga kûrî andû arîa makwendete na marûmagîrîra maathani maku.

Nehemia 4:14

Nînaroririe ngîona atî andû maarî amaku mûno. Kwoguo nînameerire wa vamwe na atongoria na anene ao atîrî, “Mûtikamakue nî nthû cietû. Ririkanani ûrîa Mwathani arî mûnene na arî vinya na mûrûîrîre andû enyu, ciana cienyu, aka enyu, na mîciî yenyu.”

Nehemia 9:32

“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!

Nehemia 9:5

Alawi aya: Jeshua, Kadimieli, Bani, Hashabineia, Sherebia, Hodia, Shebania, Pethania nîmaaugire atîrî, “Rûngamani mûkumie Ngai-Mûnene, Ngai wenyu, mûmûkumie tene na tene! Tiga andû onthe makumie rîîtwa rîake rîrîa rîrî na riiri, goocani rîîtwa rîake rîrîa rînene gûkîra irathimo na ûkumio wonthe.”

Thaburi 100:4

Tonyerani mîrangorî ya hekarû mûkîmûcokagîria ngatho, thiîni hekarûrî yake mûkîmûkumagia; mûcokerieni ngatho na mûkumie rîîtwa rîake.

Thaburi 103:1

We ngoro yakwa, kumia Ngai-Mûnene, mwoyo wakwa wonthe nîûkumie rîîtwa rîake rîtheru.

Thaburi 111:9

Ngai-Mûnene nîwakûûrire andû ake, na akîrûtha nao kîrîkanîro gîa gûtûûra tene na tene. Ke nî mûtheru na nîwa gwîtigîrwa!

Thaburi 145:17

Ngai-Mûnene nî mûthingu maûndûrî monthe, na arî ntha maûndûrî monthe marîa ekaga.

Thaburi 66:3

Îrani Ngai atîrî, “Kaî maûndû marîa wîkaga nî ma magegania-î! Nthû ciaku nîikwînamagîrîra nî gûgwîtigîra irî mbere yaku.

Thaburi 76:1

Ngai nîecîkene Juda; rîîtwa rîake nî rînene Isiraeli.

Thaburi 76:12

Nîanyivagia athani arîa etîi, na agatûma athamaki a nthî metigîre.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Jeremia 20:11

Nwatî we Ngai-Mûnene ûrî vamwe nanie, kûrî nie we ûrî mûthigari njamba ya kûmakania; kwoguo arîa manyariraga matikamvoota, nîmagaconoka mûno nîûndû matikavootana. Gîconoko Kîamo nîgîtûûra tene na tene gîtikariganîra.

Johana 17:11

Na rîu nîkwa mbûkîte kûrî we. Nie rîu ndirî gûkû nthî rîngî, nwatî o marî gûkû nthî. Vava Mûtheru, mamenyagîrîre na vinya wa rîîtwa rîaku rîrîa wamvere, nîguo matuîke kîndû kîmwe wata ûrîa we nanie tûrî kîndû kîmwe.

Gûco 28:58

“Ethîrwa mûtikaavingagia na kinyi mawatho monthe marîa mandîkîtwe îvukuurî rîîrî, na mwîtigagîre rîîtwa rîa Ngai-Mûnene Ngai wenyu, na nîrîo rîrî riiri na rîagîrîrwe nî kûgoocwa,

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.

Josh 24:19

Nwatî Joshua nîwerire andû a Isiraeli atîrî, “Mue nwa mûremwe nî gûtungatîra Ngai-Mûnene nîûndû ke nî Ngai Mûtheru na arî wîru. Ndakaamûrekera mevia menyu,

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.