Thaburi 81:3 - ÎVUKU RÎA ÛVORO MWARO

³ Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Thaburi 81:3 ပူးပေါင်းရင်းမြစ်များ

2Atha 4:23

Nake mûrûme nîwamûûririe atîrî, “Ûrenda kûthiî ûmûnthî nîkî? Ûmûnthî tî thavatû, wana tî kîrugo gîa karûngamo ka mweri.” Nake mûka nîwamwîrire atîrî, “Ndûkamake.”

1Maû 15:16

Nîwathire anene a Alawi mathuure andû amwe ao a kwina makîvûraga indo ta ngita na ithaani irîa iringithanagua nîguo maine nyîmbo na gîkeno maugîrîrîtie.

1Maû 15:19

Aini ta Hemani, Asafu na Ethani maarî a kûgambithia ithaani irîa iringithanagua cia gîcango.

1Maû 15:24

Nao athînjîri-Ngai, Shebania, Joshafati, Nethanieli, Amasai, Zekaria, Benaia na Eliezeri nîmaathuurirwe matuîke a kûvuva tûrumbeta marî mbere ya îthandûkû rîa kîrîkanîro. Obedi-edomu na Jehia wanao maarî arangîri a îthandûkû rîa kîrîkanîro.

1Maû 16:42

Hemani na Jeduthuni maarî na wîra wa kûvuva tûrumbeta, kûringithania ithaani, na indo ciîngî irîa ciavûthagîrwa vîndî ya kwina nyîmbo cia gûkumia Ngai-Mûnene. Avîcî a Jeduthuni nîmaathuurirwe matuîke arangîri.

1Maû 16:6

Athînjîri-Ngai aîrî, Benaia na Jahazieli nîo maarî a kûvuva tûrumbeta vîndî cionthe marî mbere ya îthandûkû rîa kîrîkanîro Kîam Ngai.

1Maû 25:1

Mûthamaki Daudi na anene a hekarû nîmaathuurire avîcî amwe a Asafu, Hemani na Jeduthuni nîûndû wa ûtungati wa nyîmbo. Maakumagia Ngai-Mûnene magîtûmagîra indo cia kwina ciagathîtwe na ndigi, ngita na ithaani irîa ciaringithanagua. Mûtaratara wa andû acio na wîra ûrîa maarutaga nî ûyû:

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 13:14

Rîrîa athigari a Juda maaroririe na makîona atî nîmaratharîkîrwa na mwena wa mbere na wa vuva, nîmaarîrîre Ngai-Mûnene amatethie, nao athînjîri-Ngai makîvuva tûrumbeta.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 5:12

Alawi arîa maarî aini a nyîmbo na nîo Asafu, Hemani, Jeduthuni, anake ao vamwe na andû ao nîmaarûngamire mwena wa îrathîro wa metha ya kîgongoona mekîrîte nguo mbaro. Nîmaavûraga indo cia kwina ta: ithaani irîa iringithanagua na ngita. Athînjîri-Ngai îgana rîmwe rîa mîrongo îîrî (120) nîmaarûngamire vamwe nao makîvuvaga tûrumbeta.

2Maû 8:13

Aarutaga magongoona mîthenya îrîa mîamûre kûringana na ûrîa watho wa Musa waugîte. Mîthenya îo nî: thavatû, karûngamo ka mweri, na vîndî ya irugo ithatû cia wa mwaka, na nîcio: kîrugo Kîam mîgate îtarî mîkîre ndawa ya kwimbia, kîrugo Kîam vîndî ya maketha, na kîrugo gîa tûnyomba.

Thaburi 149:3

Kumiani rîîtwa rîake mûkîinagia, nîmamwinîre na nduramu na mîtûrirû!

Thaburi 33:2

Kumiani Ngai-Mûnene mûkîvûraga inanda, mwinîreni na ngita.

Thaburi 98:6

Vuvani tûrumbeta na coro, inîrani Ngai-Mûnene, mûthamaki mûrî na gîkeno.

Maca 2:6

Omomorete hekarû yake ta kîomba Kîam mûgûnda, nîacûkangîtie îgema rîake. Ngai-Mûnene nîathirîtie irugo cia gûkûngûîra na mîthenya ya thavatû kûu Zayuni. Arî na marakara meengî nîareganîte na mûthamaki na athînjîri-Ngai.

Nahumu 1:15

Taroria, mûnjaama nîaûkîrîr îte irîmarî arî na ûvoro mwaro. Aûkîte kwanîrîra ûvoro mwaro kûrî andû a Juda. Kûngûagîrani irugo cienyu mue andû a Juda, na mûvecage Ngai kîrîa mwamwîrîre. Nîûndû andû arîa aganu matikamûtharîkîra rîngî, nîûndû nîacûkangie viû.

Ndari 15:3

nî mûkaandutîra matega ma kûvîvua ma ndegwa, ndûrûme, ng'ondu kana mbûri, marî matega ma kûngenia. Nwa mûrute matega na njîra ya kwîyendera kana nîûndû wa kûvingia mwîvîtwa kana nîûndû wa mambura marîa mûrutaga ma kîndini. Mûtararûko wa îgongoona rîîrî nî ûngenagia.

Ndari 28:11

“Kîambîrîria Kîam wa mweri wonthe mûkaarutagîra Ngai-Mûnene îtega rîa kûvîvua rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe na tûtarî na wonje.

Gûco 16:15

Mûgaakûngûagîra kîrugo gîkî îvinda rîa mîthenya mûgwanja mûrî varîa Ngai-Mûnene Ngai wenyu akaathuura va kûgoocagîrwa, îrî njîra ya kûmûva gîtîîo. Kenagani nîûndû Ngai-Mûnene Ngai wenyu nîakaarathima maketha ma mîgûnda yenyu na wîra wonthe ûrîa mûrutaga.

Akol 2:16

Kwoguo mûtikaanetîkîrie mûndû wana ûrîkû amûtuîre kîrîa mûkûrîa, kana kîrîa mûkûnyua wana kana ûrîa mûkûrûmîrîra mîthenya mîthuure, kana irugo cia mweri mûcerû, wana kana thavatû.