Thaburi 8:3 - ÎVUKU RÎA ÛVORO MWARO

³ Rîrîa ngûroria îgûrû, rîrîa warûthire na njara ciaku, mweri na njata, irîa waûmbire,

Thaburi 8:3 ပူးပေါင်းရင်းမြစ်များ

Kîam 1:1

Kîambîrîriarî Ngai nîwaûmbire îgûrû na nthî.

Ayubu 22:12

Nîtwîcî Ngai atûûraga îgûrû mûno, na nîaroragia nthî akoona njata wana ethîrwa irî îgûrû.

Ayubu 25:3

Kûrî mûndû ûngîvota gûtara athigari ake a mbaara? Kûrî mûndû ûtakinyagîrwa nî ûtheri wake?

Ayubu 25:5

Ethîrwa methorî make mweri ndûrî na ûtheri wa kwîgana, kana njata tî ntheru mbere yake;

Ayubu 36:24

Ndûkariganîrwe nî gûkumia wîra wake, ûrîa andû mainaga magîûkumia.

Thaburi 104:19

We waûmbire mweri nîguo ûthimage mavinda; narîo riûa nîrîmenyaga îvinda rîa kûthûa.

Thaburi 111:2

Kaî maûndû marîa Ngai-Mûnene ekaga nî manene-î! Andû onthe arîa makenagua nîmo nîmendaga kûmamenya.

Thaburi 148:3

Mûkumieni mue riûa na mweri, mûkumieni mue njata cionthe irîa ikengaga.

Thaburi 19:1

Îgûrû maturî nîriumbûraga riiri wa Ngai, îgûrû rîerarî nîkwonanagia riiri wake!

Thaburi 33:6

Ngai-Mûnene aaûmbire îgûrû na njîra ya kiugo, aaûmbire indo cionthe cia îgûrû na njîra ya mûgambo wake.

Thaburi 89:11

Îgûrû nî gwaku, nthî wana yo nî yaku, nthî na indo cionthe irîa irî kuo nîwe waciûmbire,

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 8:19

Nao andû acio maaringaga ciama a Misiri nîmeerire mûthamaki atîrî, “Nî Ngai wîkîte ûndû ûyû.” Na wata ûrîa Ngai-Mûnene aaugîte, mûthamaki nîwatuîkire mûmû ngoro na akîrega kûthikîrîria Musa na Aroni.

Luka 11:20

Nwatî ethîrwa Ngai nîke ûmvotithagia kûrutûrûra ngoma, ûguo nî kwonania atî Ûthamaki wa Ngai nîûrîkîtie gûka kûrî mue.

Aroma 1:20

Kuuma rîrîa Ngai aaûmbire nthî, maûndû make marîa matoonekaga nîmamenyekete waro. Maûndû mau nî vinya wake ûrîa ûtûûraga tene na tene na ûngai wake. Andû nîmataûkagîrwa nîmo waro maroria indo irîa Ngai aaûmbire na kwoguo gûtirî na mûndû ûngîgîa na kîîgwatio.

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.