Thaburi 8:2 - ÎVUKU RÎA ÛVORO MWARO

² Ûkumagua nî ciana wana tûkenge, nîwîgitîrîte kuuma kûrî nthû ciaku, nîguo ûthirie andû arîa mareganaga nawe.

Thaburi 8:2 ပူးပေါင်းရင်းမြစ်များ

Thaburi 148:13

Andû onthe nîmakumie rîîtwa rîa Ngai-Mûnene, nîûndû rîîtwa rîake nî rînene gûkîra marîîtwa monthe. Riiri wake nî mûnene gûkîra nthî na îgûrû.

Thaburi 4:4

Ndûgatûme marakara maku matûme wîvie; îîcirie mûno îgûrû rîgiî ciugo ino, rîrîa ûmamîte ûrîrî gwaku ûkirîte.

Thaburi 44:16

rîrîa ngwîgua ngînyûrûrua na ngîrumwa, nî nthû ciakwa na andû arîa mamenete.

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Thaburi 57:6

Nthû ciakwa ciambîte mûtego nîguo ingwatithie; nanie nîmbîcûrîtwe nî kîeva. Maamînjîrîte îrima varîa mvîtûkagîrîra, nwatî o ene nîo magwîte kuo.

Ntha 11:7

Nwatî gûtirî ngui îgaakûmîra andû a Isiraeli kana nyamû ciao. Namue nîmûkaamenya atî nie Ngai-Mûnene nîmbîkagîra ngûrani gatagatî ka andû a Misiri na andû a Isiraeli.’ ”

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Amosi 5:9

Nîke ûthiragia arîa marî vinya na agacûkangia kûndû kwao gwa kwîgitîra.

Habakuku 2:20

Nwatî Ngai-Mûnene arî hekarûrî yake ntheru; nthî yonthe nî îkare îkirîte îrî mbere yake.

Mathaayo 11:25

Kavinda kau Jesû nîwaugire atîrî, “Vava, Mwathani wa îgûrû na nthî! Nie nîragûcokeria ngatho nîûndû nîûthithîte maûndû mama andû arîa aûgî na amenyi na ûkamaguûria kûrî andû arîa matarî na ûmenyo.

Mathaayo 21:16

Kwoguo nîmaaûririe Jesû atîrî, “We nîûregua ûrîa marauga?” Nake nîwamacokerie atîrî, “Nînîregua. Nîkwa mûtarî mwathoma mandîkorî atîrî, ‘Nî ûtûmîte tûnyuarî twa twana na tûkenge kuume ûkumio mûkinyanîru.’ ”

Luka 10:21

Vîndî îo Jesû nîwakenire ecûrîtwe nî Roho Mûtheru na akiuga atîrî, “Vava wa îgûrû na nthî, nînagûcokeria ngatho nîûndû we nîwonetie andû arîa enyivia maûndû marîa ûthithîte andû arîa aûgî na imenyi. Îni nîguo Vava, ûguo nîguo we wendaga gwîkîke.”

1Akor 1:27

Nwatî Ngai nîwathuurire maûndû marîa andû matucaga nî ma ûrimû nîguo aconorithie arîa aûgî, na nîwathuurire arîa matucagwa nî andû atî matirî vinya nîguo aconorithie arîa methagîrwa marî na vinya.

1Sam 2:9

“Ngai-Mûnene nîke ûgitagîra andû ake arîa mamwîvokete, nwatî andû arîa aganu maûragîra ndumarî. Nîûndû mûndû ndavootanaga na njîra ya vinya wake ke mwene.