Thaburi 74:2 - ÎVUKU RÎA ÛVORO MWARO

² Ririkana andû arîa wathuurire magîtuîka aku kuuma tene, arîa wakûûrire kuuma ûkomborî matuîke mûvîrîga waku kîûmbe. Ririkana Kîrîma gîa Zayuni, kûrîa watûûraga.

Thaburi 74:2 ပူးပေါင်းရင်းမြစ်များ

Thaburi 106:40

Kwoguo Ngai-Mûnene nîwarakarirue nî andû ake; nîwatimbirwe nî andû ake ke mwene.

Thaburi 135:4

Ngai-Mûnene nîathuurîte Jakovu atuîke wake, nîathuurîte andû a Isiraeli matuîke ake kîûmbe.

Thaburi 33:12

Kûrathimwa nî vûrûri ûrîa Ngai wa guo arî Ngai-Mûnene wao, kûrathimwa nî andû arîa athuurîte nîguo matuîke ake kîûmbe!

Thaburi 68:16

Ûreguîra kîrîma kîu kîrî na tûcûmbîrî twîngî wîru nîkî, kîrîma kîrîa Ngai aathuurire nîguo atûûre kuo? Ngai-Mûnene agaatûûra kuo tene na tene.

Thaburi 77:15

Nîwakûûrire andû aku na vinya waku, njiarwa cia Jakovu na Josefu.

Thaburi 9:11

Inani nyîmbo cia gûkumia Ngai-Mûnene, ûrîa ûtûûraga Zayuni! Îrani andû a onthe ûrîa Ngai-Mûnene ekîte.

Thaburi 9:12

Nîûndû arîa maûragagwa Ngai-Mûnene nîamarîvagîrîria, ndariganagîrwa nî kîrîro Kîam arîa maranyarirîka.

Thaburi 94:14

Ngai-Mûnene ndagaatiganîria andû ake; ndagaatiganîria arîa athuurîte magatuîka ake.

Ntha 15:13

Na ûndû wa wendo waku ûtathiraga, nîwatongoririe andû arîa we wakûûrîte; na njîra ya vinya waku nîwamonererie kûrîa we wamûrîte.

Ntha 15:16

Nîmaagwatirwe nî guoya na kîmako. O monaga vinya waku we Ngai-Mûnene, makarûngama makirîte ki nginya rîrîa andû aku makaavîtûka, andû arîa wavonokirie kuuma ûkomborî.

Isaia 51:11

Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

Isaia 62:12

Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”

Isaia 62:6

We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

Isaia 63:17

We Ngai-Mûnene, ûrekete tuume njîrarî ciaku nîkî? Ûtûmîte tûûmie ngoro cietû tûkarega gûgûtîîa nîkî? Tûcokerere we Ngai nîûndû wa ndungata ciaku, mîvîrîga îrîa arî yo îgai rîaku.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 51:19

Ngai wa Jakovu ndavana ta cio; nîûndû nîke waûmbire indo cionthe, na akîthuura mûvîrîga wa Isiraeli ûtuîke andû ake kîûmbe. Ngai-Mûnene mwene vinya wonthe nîrîo rîîtwa rîake.

Ciîko 20:28

Kwoguo îîmenyagîrîreni na mûmenyagîrîreni ndîthia îrîa Roho Mûtheru amûtuîte amenyereri a yo. Îthagîrwani mûrî arîthi a kanitha wa Ngai, ûrîa ke aatwire wake na njîra ya gîkuû Kîam Mûriû wake.

Gûco 32:9

Nîwathuurire njiarwa cia Jakovu matuîke andû ake, na akîmamûra matuîke andû ake.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.

Gûco 9:26

Nînavoire Ngai-Mûnene ngîmwîra atîrî, ‘Ûûi Ngai-Mûnene Ngai, ndûgacûkangie andû aku arîa wakûûrire na ûkîmaruta Misiri na vinya waku mûnene.

Gûco 9:29

Nwatî Ngai-Mûnene, aya nî andû aku arîa wathuurire matuîke aku kîûmbe na ûkîmaruta ûkomborî Misiri na vinya na ûvoti waku mûnene.’

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.