Thaburi 74:1 - ÎVUKU RÎA ÛVORO MWARO

¹ Nîkwa Ngai ûtûtiganîrîtie ûguo nîkî? Nîûtûûra ûrakarîte nî andû aku?

Thaburi 74:1 ပူးပေါင်းရင်းမြစ်များ

2Atha 21:14

Nîngaatiganîria andû akwa arîa magaatigara na nîmanenganîre kûrî nthû ciao, na nîikaamavoota na imatue mîgwate kûrî nthû ciao cionthe.

Thaburi 10:1

Wîkarîte kûraca ûguo nîkî, we Ngai-Mûnene? Wîthithaga nîkî vîndî îrîa tûrî mathînarî?

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 18:8

Ndogo yaumagîrîra maniûrûrî make, rûrîrîmbî rwa mwaki wa gûcûkangia rwaumagîrîra kanyuarî gake; na makara ma mwaki nîmaaumaga kûrî ke.

Thaburi 42:11

Nîndûî gîtûmîte ngîe na kîeva ûguo? Nîrathînîka ûguo nîkî? Nîmbiga mwîvoko wakwa kûrî Ngai, na nîmûkumie rîngî, mûvonokia wakwa na Ngai wakwa.

Thaburi 42:9

Nîmbîra Ngai, mûgitîri wakwa atîrî, “Nîkwa ûriganîrîtwe nînie nîkî? Nîrathiî na mbere kûthînîka nîkî nîûndû wa kûvinyîrîrua nî nthû ciakwa?”

Thaburi 44:9

Nwatî rîu nîûtûtiganîrîtie na ûgatûma tûvootwe; nîûtigîte kûthiîcania na athigari etû a mbaara.

Thaburi 50:1

Ngai-Mûnene, Ngai mwene vinya wonthe nîararia; nîareta andû onthe a nthî kuuma îrathîro nginya îthûîro.

Thaburi 60:1

We Ngai, nîûtûtiganîrîtie, na nîûtûvootete; nîûrakarîte nî tue, nwatî rîu tûcokerere.

Thaburi 60:10

We Ngai, nîkwa ûtûtiganîrîtie? Ndûngîthiîcania na athigari etû makîthiî kûrûa na nthû cietû?

Thaburi 77:7

“Nîkwa Mwathani agûtûtiganîria nginya tene? Nîkwa atagaakenua nî tue rîngî?

Thaburi 77:8

Nîkwa wendo wake ûrîa ûtathiraga ûrî mûthiru? Anga ndakaavingia ciîranîro ciake?

Thaburi 78:1

Andû akwa thikîrîriani ûrîa nîramûthomithia, na mûtege matû mwîgue ûrîa nîramwîra.

Thaburi 79:13

Natue andû aku, tue ng'ondu cia ndîthia yaku, nî tûtûûra tûgûcokagîria ngatho tene na tene, na tûkûgoocage vîndî cionthe.

Thaburi 79:5

We Ngai-Mûnene, nîûrakara nî tue nginya rî? Marakara maku nî mathiî na mbere gwakana ta mwaki nginya rî?

Thaburi 80:5

Nîûtûmîte kîeva gîtuîka irio cietû, na ûgatûva methori matuîka kîndû gîa kûnyua.

Thaburi 85:6

Tûma tûgîe na vinya rîngî, nîguo andû aku makenage nîûndû waku.

Thaburi 95:7

Nîûndû nîke Ngai wetû, natue tûrî ndîthia yake; tûrî ng'ondu ciake irîa arîthagia. Naarî kethîrwa ûmûnthî nwa mwîgue mûgambo wake!

Ntha 32:11

Nwatî Musa nîwathaithire Ngai-Mûnene, Ngai wake na akiuga atîrî, “Ngai-Mûnene, ûrarakara ûguo nîkî nî andû aku arîa warutire vûrûri wa Misiri na vinya na ûvoti mwîngî?

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Jeremia 23:1

Ngai-Mûnene arauga atîrî, “Arîthi arîa maûragaga ng'ondu cia ndîthia yakwa, kaî marî na thîna-î!”

Jeremia 31:37

Kethîrwa îgûrû nwa kûthimwe, na mîcingi ya nthî îgatuîrua, vîndî îo nîrîo nîngîtiganîrie njiarwa cia Isiraeli, nîûndû wa maûndû monthe mekîte. Ûguo nîguo Ngai-Mûnene arauga.”

Maca 5:22

Kana nîkwa ûtûtiganîrîtie viû? Nîkwa ûrî mûrakaru mûno nîtue?

Ezek 34:31

“Mue nîmue ng'ondu ciakwa, ng'ondu cia ndîthia yakwa, nanie nînie Ngai wenyu. Ûguo nîguo nie Ngai-Mûnene Ngai mbugîte.”

Ezek 34:8

Wata ûrîa nie Ngai-Mûnene ndûûraga mwoyo nîramwîra atî nîmwatiganîrie ng'ondu ciakwa na ituîkîte cia kûrîwa nî nyamû cia kîthaka nîûndû itirî na mûrîthi. Arîthi akwa maticaragia ng'ondu irîa ciûrîte, nwatî nîkwa mairîcaga vandû va kûirîthia.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.