Thaburi 72:5 - ÎVUKU RÎA ÛVORO MWARO

⁵ Arotûûra kavinda karaca ta riûa, na atûûra ta mweri kûrî njiarwa cionthe.

Thaburi 72:5 ပူးပေါင်းရင်းမြစ်များ

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Thaburi 72:7

Ûthingu ûrothiî na mbere ûtûûrorî wake wonthe, na kûgîe na thayû tene na tene.

Thaburi 89:29

Nîngaatûma njiarwa ciake itûûre ciathanaga tene na tene, na ûthamaki wake ndûkaathira.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Danieli 7:14

Nake nîwaverwe wathani, riiri, wana ûthamaki, nîguo andû a iruka cionthe, mavûrûri monthe, na nthiomi cionthe mamûtungatagîre. Wathani ndûkaathira rî kana rî, na ndûgaacûkangua.

Danieli 7:27

Naguo ûthamaki na wathani, na ûnene wa mothamaki monthe ma nthî ûkavewa andû a Ngai Ûrîa mûnene, na ûthamaki wao ndûkaathira, na athamaki onthe a nthî nîmakaamathîkîra na mamatungatagîre.’

Aefeso 3:21

Ngai arokumua kanitharî na njîra ya Jesû Kristû kuuma njiarwa na njiarwa nginya tene na tene! Ameni.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

1Sam 12:18

Kwoguo Samueli nîwavoire kûrî Ngai-Mûnene, nake Ngai-Mûnene akîrete ngûa na akiurithia mbura mûthenya wa ûcio. Nao andû onthe nîmeetigîre Ngai-Mûnene na Samueli