Thaburi 71:9 - ÎVUKU RÎA ÛVORO MWARO

⁹ Ndûkande rîu nîrî mûkûrû; ndûkandiganîrie rîu ndarî na vinya.

Thaburi 71:9 ပူးပေါင်းရင်းမြစ်များ

2Sam 19:35

Rîu nîrî na ûkûrû wa mîaka mîrongo înana na gûtirî ûndû wanarî ûmwe ûngenagia. Ndiîgucaga mûcamo wa kîrîa ngûrîa kana kîrîa ngûnyua, kana mbîgua mîgambo ya andû makina. Kwoguo nîmbîthîrwa nîrî mûrigo kûrî we, mwathi wakwa.

Thaburi 71:18

Rîu nîrî mûkûrû na nîrî na mbuî ndûkandiganîrie, we Ngai, îkaraga nanie nginya rîrîa ngaanîrîra vinya waku kûrî njiarwa cionthe irîa igaaûka.

Thaburi 73:26

Mwîrî wakwa na ngoro yakwa nwa ithire vinya, nwatî Ngai nîke vinya wakwa; nîke wenga tu mvatarîtue nîke.

Thaburi 90:10

Ûtûûro wetû nîwa mîaka mîrongo mûgwanja, kana ethîrwa tûrî na vinya tûgîkinyia mîaka mîrongo înana; nwatî wîcûrîtwe nî mathîna na mînyamaaro; mîaka îo îthiraga na îvenya natue tûgacoka tûkathira.

Isaia 46:4

Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.