Thaburi 7:9 - ÎVUKU RÎA ÛVORO MWARO

⁹ We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Thaburi 7:9 ပူးပေါင်းရင်းမြစ်များ

Kîam 20:5

Kinthî Iburahimu tîke wambîrire atî Sara nî mwarwang'ina, na Sara akîmbîra wa guo? Nie nekire ûndû ûyû ndarî na thamiri ikûnjuka, na kwoguo ndirî na mavîtia.”

1Atha 8:32

We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 10:15

Thiria vinya wa andû arîa aganu na eki naaî, maverithie matigeke maûndû macûku rîngî.

Thaburi 10:18

nîûthikagîrîria kîrîro gîa ciana cia ngoriai na arîa avinyîrîrie, nîguo andû a nthî matikaamaretere kîmako rîngî.

Thaburi 11:5

Ngai-Mûnene nîatuîragia andû arîa athingu na arîa aganu, na nîamenete andû arîa ndûrîka na ngoro yake yonthe.

Thaburi 139:1

We Ngai-Mûnene nîûnduîrîtie na ûkamenya.

Thaburi 17:3

We nîwicî ngoro yakwa, nîûkîte kûrî nie ûtukû, nîûnduîrîtie waro viû, na ûkamenya atî ndiaragia maûndû macûku.

Thaburi 18:21

Nî mbathîkagîra watho wa Ngai-Mûnene, na ndianeka ûndû mûcûku nîguo ndiganîrie Ngai wakwa.

Thaburi 26:2

Nduîria na ûngerie, we Ngai-Mûnene; tuîria ngoro yakwa na meciria makwa.

Thaburi 35:23

Ûkîra, we Ngai-Mûnene, na ûngitîre, ûkîra, we Ngai wakwa, na ûnjirîrîre.

Thaburi 37:23

Ngai-Mûnene nîke wonagia andû njîra îrîa makûrûmîrîra, na nîagitagîra arîa mamûkenagia.

Thaburi 40:2

Nîwandutire îrimarî rîarî na thîna, nîwandutire ndakarî ya gîkuû, nîwanûngamirie îgûrû rîa îthiga, na akîmvotithia gwîkindîria.

Thaburi 43:1

We Ngai, nduîra atî ndirî na mavîtia, na ûnjirîrîre kûrî andû arîa matarî na ûûngai; mvonokia kuuma kûrî andû a maveeni na acûku!

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Thaburi 58:6

We Ngai, unanga magego mao; kûûra magego ma andû aya mekariî ta mînyambû, we Ngai-Mûnene.

Thaburi 9:9

Andû arîa avinyîrîrie mathiîcaga kûrî Ngai-Mûnene amagitîre, nîke vandû va kûûrîra vîndî ya thîna.

Thaburi 96:10

Îrani mavûrûri monthe atîrî, “Ngai-Mûnene nî mûthamaki. Nthî nîîkindîrîtie na ndîngîenyenyeka; ke agaatuîra andû na kîvooto.”

Thaburi 96:13

îkaaina îrî mbere ya Ngai-Mûnene rîrîa agaaûka. Nîûndû agaaûka gûtuîra andû a nthî ciira. Ke agaatuîra nthî na waragania na andû a nthî na kîvooto.

Thaburi 98:9

mûrî mbere ya Ngai-Mûnene, nîûndû nîaûkîte gûtuîra nthî ciira. Ke agaatuîra andû na waragania na kîvooto.

Jeremia 11:20

Nwatî we Ngai-Mûnene mwene vinya wonthe, ûrîa ûtucanagîra na kîvooto, we ûthimaga ngoro na meciria ma andû, tiga mone ûkîndîvîrîria kûrî andû aya, nîûndû nîwe tu ûngîtua cira wakwa.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 20:12

We Ngai-Mûnene mwene vinya wonthe, we ûthimaga andû arîa athingu, we wonaga ngoro na meciria ma andû, ndethia mone ûkîndîvîrîria kûrî nthû ciakwa, nîûndû mbigîte mwîvoko wakwa kûrî we.

Danieli 11:45

Nîakaamba magema make ma ûthamaki gatagatî ka îria na kîrîma kîrîa kîtheru, varîa hekarû îtumîtwe. Nwatî kavinda gake ga gûkua gakinya, gûtirî mûndû ûkamûtethia.”

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

1Ath 3:13

Na njîra îo Mwathani akamûva vinya namue nîmûkethîrwa mûrî atheru na mûtarî na ûcuke mbere ya Ngai îthe wetû rîrîa Mwathani wetû Jesû agaaûka na andû ake onthe.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”

1Sam 2:9

“Ngai-Mûnene nîke ûgitagîra andû ake arîa mamwîvokete, nwatî andû arîa aganu maûragîra ndumarî. Nîûndû mûndû ndavootanaga na njîra ya vinya wake ke mwene.