Thaburi 7:6 - ÎVUKU RÎA ÛVORO MWARO

⁶ Ûûi Ngai-Mûnene, rûngama na marakara maku! ûûkîrîre marakara ma nthû ciakwa. Ûka we Ngai wakwa, ûka ûndethie, nîûndû wendaga kîvooto kîrûmagîrîrwe.

Thaburi 7:6 ပူးပေါင်းရင်းမြစ်များ

2Sam 17:14

Abusalomu na Aisiraeli onthe nîmaaugire atîrî, “Mataaro ma Hushai nî maro gûkîra ma Ahithofeli.” Ngai-Mûnene nîwatuîte atî, wana ethîrwa mataaro ma Ahithofeli nî maro tîmarûmîrîrwa nîguo Ngai-Mûnene atûme Abusalomu anyitwe nî maûndû macûku.

Thaburi 103:6

Ngai-Mûnene atucaga ciira na kîvooto, na akonania waragania kûrî arîa avinyîrîrie.

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 138:7

Wana nîngîvîtûkîrîra mathînarî we nîûngitagîra, nîûngitagîra kuuma kûrî marakara ma nthû ciakwa, na nîûmvonokagia na vinya waku.

Thaburi 143:3

Nthû ciakwa nîinûmîrîrîte, na ikamvoota viû. Nîitûmîte mbîkare ndumarî ta arîa maakwire tene.

Thaburi 3:7

Ngai-Mûnene, Ngai wakwa, ûka ûmvonokie! Nîunangîte nthû ciakwa cionthe nthîa, na ûgatiga wakûûra andû arîa aganu magego.

Thaburi 35:1

We Ngai-Mûnene, regana na arîa mareganaga nanie, na ûrûe na arîa marûaga nanie!

Thaburi 35:23

Ûkîra, we Ngai-Mûnene, na ûngitîre, ûkîra, we Ngai wakwa, na ûnjirîrîre.

Thaburi 44:23

Ûkîra, we Mwathani! Ûmamîte nîkî? Ûkîra! Ndûgatûtiganîrie tene na tene!

Thaburi 44:26

Ûkîra, ûke ûtûtethie! Tûvonokie nîûndû wa wendo waku ûtathiraga!

Thaburi 59:5

Ûkîra ûndethie we Ngai-Mûnene, Ngai mwene vinya wonthe, Ngai wa Isiraeli! Ûkîra na ûverithie andû acio matagwicî; ndûkeguîre ntha andû acio mavangaga maûndû macûku!

Thaburi 73:20

Mekariî ta kîroto kîrîa kîriganagîra wa rîmwe rîrîa mûndû aramûka; rîrîa we Mwathani waûkîra nîmaûraga.

Thaburi 74:3

Vîtûkîrîra kûrîa kwomomorirwe viû; nthû ciacûkangirie indo cionthe irîa ciarî hekarûrî.

Thaburi 78:65

Mwathani nîwacokire akîramûka takwa aaumîte tororî, ta mûndûmûrûme njamba acanjamûrîtwe nî ndivei.

Isaia 3:13

Ngai-Mûnene nîevarîrîtie gûcirithania; nîekarîrîte gîtî atuîre andû ciira.

Isaia 33:10

Ngai-Mûnene arauga atîrî, “Rîu nîngûkîra, rîu nîngwonania vinya wakwa, rîu nie nîngaakumua.

Isaia 37:20

Kwoguo rîu, we Ngai-Mûnene, Ngai wetû, tûvonokie kuuma kûrî Sanakeribu, nîguo mothamaki monthe ma nthî mamenye atî we wenga tu nîwe Ngai-Mûnene.”

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?