4 ethîrwa mbocete indo cia nthû yakwa na vinya gûtarî na gîtûmi, ethîrwa mbîkîte ûmwe wa maûndû mama,
Matarî marathiî kûraca mûno, Josefu nîwerire ndungata îrîa yamenyagîrîra gwake mûciî atîrî, “Vinyûra narua ûrûmîrîrie andû acio na wamakinyîra ûmaûrie atîrî, ‘Nîndûî gîgûtûma mûrîvia waro na naaî?
Ûrîa ûkethîrwa arî nakîo gatagatîrî getû, nîaûragwe nao acio engî matuîke ngombo cia mwathi wetû.”
Wocire ûthamaki wa Saûlo, na rîu nîkwa Ngai-Mûnene arakûverithia nîûndû wa ûrîa waûragire andû eengî a mûciî wa Saûlo. Ngai-Mûnene nîanenganîrîte ûthamaki waku kûrî mûvîcîguo Abusalomu, na rîu mûragani ûyû nîwathira!”
Ethîrwa naneka guo, njara yakwa irounîkanga; yunîkîre wa vau gîturo.
Ethîrwa nînyumîte njîrarî îrîa ya ma, na ngoro yakwa îkerirîria maûndû marîa monaga, na ethîrwa njara ciakwa irî na gîko nîûndû wa mevia;
Nîmekaga maûndû maro nao makandîva na maûndû macûku, nînîmendete, nwatî o nîmamenete.
Mûnyanyawa nîatharîkîrîte arata ake; nîaunîte kîrîkanîro gîake nao.
Thaavu na sîlûva itheragua na mwaki, nake Ngai-Mûnene nîke ûthimaga ngoro cia andû.
Nwatî Paûlo nîwaugîrîrie na mûgambo mûnene akiuga atîrî, “We tiga gwîîka naaî! Tue tuonthe tûrî kuo!”
Daudi nîwacokire akiuma Naiothu kûu Rama akîthiî kûrî Jonathani na akîmûria atîrî, “Nîkwa mbîkîte atîa? Mavîtia makwa nîmarîkû? Nî îvîtia rîrîkû mvîtîrîtie aguo narîo rîa gûtûma ende kûmbûraga?”
Ahimeleku nîwacokerie mûthamaki atîrî, “Daudi nîke ndungata îrîa îîvokekete mûno gatagatîrî ka ndungata ciaku cionthe! Ke nî mûthoniguo, nîke mûnene wa athigari arîa makûrangagîra na nîatîîtwe mûno nî andû onthe a nyomba yaku.
Kwoguo na njîra ya ciugo icio Daudi nîweguithirie andû ake atî matikatharîkîre Saûlo. Nake Saûlo nîwarûngamire, akiuma ngurungarî îo na akîthiî.
Nake Saûlo nîwacokirie atîrî, “Nie nîmvîtîtie. Coka Daudi mwana wakwa! Ndigaacoka gûgwîka ûûru rîngî, nîûndû nîwamvonokia ûmûnthî. Nie nîrekariî ta kîrimû, na nîmbîkîte ûndû mûcûku mûno.”
Wata ûrîa nie nakûvonokia ûmûnthî, Ngai-Mûnene arombîka wata ûguo na andute mathînarî monthe!”