Thaburi 69:21 - ÎVUKU RÎA ÛVORO MWARO

²¹ Nîmaamveee irio irî na ûrogi, na rîrîa naarî mûnyondu nîmaangundirie ndivei îno ngagatu.

Thaburi 69:21 ပူးပေါင်းရင်းမြစ်များ

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Jeremia 23:15

Kwoguo, ûvoro wîgiî arîthi acio Ngai-Mûnene arauga atîrî: “Nîngûmava kîndû kîrûrû ta nyongo, na nîmakundie manjî marî na ûrogi manyue. Nîûndû kuuma kûrî arathi a Jerusalemu, kûregana na Ngai gûtambîte vûrûrirî wonthe.”

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Jeremia 9:15

Kwoguo Ngai-Mûnene mwene vinya wonthe, Ngai wa Isiraeli arauga atî: Nîngaava andû aya mîtî mîrûrû marîe na nîmave manjî marî na ûrogi manyue.

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Mathaayo 27:34

Na marî vau nîmaaveere Jesû ndivei îtukanîtue na kîndû kîrûrû, nwatî amîcama nîwaregire kûmînyua.

Mathaayo 27:48

Na ûmwe gatagatîrî kao nîwavinyûrire wa rîmwe, agîoca civonji, na akîmîrinda ndiveirî îno ngagatu. Nîwacokire akîmîmundîrîra karûthanjurî na akîmûnengereria anyue.

Maariko 15:23

Nîmaaveere Jesû ndivei îtukanîtue na kîndû kîrûrû, nwatî akîrega kûmînyua.

Maariko 15:36

Na ûmwe gatagatîrî kao nîwavinyûrire agîoca civonji, na akîmîrinda ndiveirî îno ngagatu. Nîwacokire akîmîmundîrîra karûthanjurî na akîmûnengereria anyue akiugaga atîrî, “Etererani twone kana Elija nîagûka kûmûruta kuuma mûtharavarî.”

Luka 23:36

Wa nao athigari nîmaathiîre kûrî Jesû, makîmûva ndivei ino ngagatu na makîmûnyûrûria

Gûco 29:18

Menyererani gûtikethîrwe na mûndûmûrûme, mûndûmûka, mûciî kana mûvîrîga gatagatîrî kenyu ûmûnthî ûngîtiganîria Ngai-Mûnene Ngai wetû na agatungatîre ngai cia mavûrûri mau. Ûndû ûcio ûngîthîrwa wîkariî ta mûri ûrîa ûtheûkaga mûtî mûrûrû na ûrî ûrogi.