Thaburi 69:11 - ÎVUKU RÎA ÛVORO MWARO

¹¹ Rîrîa nekîrire nguo cia macakaya, nîrîo maanyararire.

Thaburi 69:11 ပူးပေါင်းရင်းမြစ်များ

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

Ayubu 17:6

Nie, nduîkîte ta kîmene kûrî andû, mandoragia makaminja mînyîrî.

Thaburi 109:24

Maru makwa matirî na vinya nîûndû wa kwînyerekia; ndigîtwe rûûo na mavîndî.

Isaia 20:2

Ngai-Mûnene nîwerire Isaia mûvîcî wa Amozu atîrî, “Thiî ûrute nguo îo ya macakaya wîyovete kîûnûrî na ûrute iratû magûrûrî maku.” Nake Isaia nîwekire guo, akîthiî arî njaga na arî magûrû matheri.

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Joeli 1:8

Rîrani ta mwîrîtu ekîrîte nguo cia macakaya agîcakaa nîûndû wa gîkuû Kîam mwendwa wake.

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.