Thaburi 6:3 - ÎVUKU RÎA ÛVORO MWARO

³ Nîrî na thîna nyîngî mûno ngororî. Ûûi Ngai-Mûnene, nî mbeterera ûtethio waku nginya rî?

Thaburi 6:3 ပူးပေါင်းရင်းမြစ်များ

Thaburi 22:14

Nie nîrî mûthiru vinya, nthirîte vinya ta manjî metîkîte nthî. Mavîndî makwa monthe nîmatigithanu, ngoro yakwa îkariî ta mûvûra ûrî mûrarûku.

Thaburi 38:8

Nîrîmûthiru vinya viû na ngaunîkanga; nînîracaa nîûndû wa ruuo na nîrî na thîna ngororî.

Thaburi 42:11

Nîndûî gîtûmîte ngîe na kîeva ûguo? Nîrathînîka ûguo nîkî? Nîmbiga mwîvoko wakwa kûrî Ngai, na nîmûkumie rîngî, mûvonokia wakwa na Ngai wakwa.

Thaburi 42:5

Nîndûî gîtûmîte ngîe na kîeva ûguo ngororî? Nîrathînîka ûguo nîkî? Nîmbiga mwîvoko wakwa kûrî Ngai, na nîngaamûkumia rîngî, ke nîke mûvonokia wakwa na Ngai wakwa.

Thaburi 77:7

“Nîkwa Mwathani agûtûtiganîria nginya tene? Nîkwa atagaakenua nî tue rîngî?

Thaburi 9:14

nîguo ngaarûngama mbere ya andû a Jerusalemu, na nîmere maûndû monthe marîa matûmaga ngûkumie. Nîngaakena nîûndû nîûmvonoketie.

Thaburi 90:13

We Ngai-Mûnene, nîwîkara ûrakarîte nîtue nginya rî? Coka na ûtwîguîre ntha, tue ndungata ciaku.

Nthi 18:14

Mwîrîgîrîro wa gûtûûra mwoyo nîûtûmaga mûndû eyûmîrîrie rîrîa arî mûrwaru, nwatî mwîrîgîrîro ûngîthira gûtirî mûndû ûngîvota kwîyûmîrîria.

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Mathaayo 26:38

na akîra arutwa ake atîrî, “Nie nînîregua kîeva kîîngî mûno ngororî yakwa wa takwa nîngîkua. Îkaragani ava vamwe na nie na mûtikagwatwe nî toro.”

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Johana 12:27

“Rîu nînîrathînîka mûno ngororî yakwa, nwatî nîmbuga atîa? Nîkwa nguuga, ‘Vava ndûgetîkîre nginyîrwe nî îvinda rîîrî?’ Nwatî kîu nîkîo gîtûmi kîrîa gîatûmire mbûke gûkû nthî nîguo nginyîre îvinda rîîrî.