Thaburi 57:9 - ÎVUKU RÎA ÛVORO MWARO

⁹ Nîngaagûcokeria ngatho we Mwathani, nîrî gatagatî ka mavûrûri, nîngaakwinîra nyîmbo cia gûgûkumia nîrî gatagatî ka andû.

Thaburi 57:9 ပူးပေါင်းရင်းမြစ်များ

Thaburi 138:1

We Ngai-Mûnene nîngûgûcokeria ngatho na ngoro yakwa yonthe, nîraina ngîgûkumagia mbere ya ngai cia mîvuanano.

Thaburi 18:49

Kwoguo we Ngai-Mûnene nîngûgoocaga gatagatî ka mavûrûri, na nî minaga nyîmbo ngîgûkumagia.

Thaburi 2:1

Atongoria a mavûrûri mavangaga kûregana na Ngai nîkî, na makagîa na mîvango ya mana?

Thaburi 43:4

Nîngaacoka nthiî metharî ya kîgongoona ya Ngai, nîngaûka kûrî we Ngai ûrîa ûngenagia mûno. Nîngaakwinîra ngîvûraga kînanda ngîgûkumagia, we Ngai, Ngai wakwa.

Thaburi 96:3

Anîrîrani riiri wake mavûrûrirî, îrani andû onthe maûndû ma magegania marîa ekîte.

Aroma 15:9

Kristû ekire ûguo nîguo andû a Ndûrîrî makumie Ngai nîûndû wa ntha ciake. Mandîko Matheru maugîte atîrî, “Kwoguo nie ngaagûkumagia gatagatîrî ka andû a Ndûrîrî, nie ngaainaga ngîkumagia rîîtwa rîaku.”

Atir 5:12

Ûkîra, ûkîra, Debora! Ûkîra! Ûkîra! Ina rwîmbo! Rûngama, Baraki mûvîcî wa Abinoamu, tongoreria mîgwate yaku mûthiî!