Thaburi 57:4 - ÎVUKU RÎA ÛVORO MWARO

⁴ Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Thaburi 57:4 ပူးပေါင်းရင်းမြစ်များ

Ayubu 41:14

Nû ûngîgeria kûmîathamûra nthîa ciayo? Magego ma yo marî na guoya nyîngî.

Thaburi 10:9

metagîrîra methithîte ta mînyambû, metagîrîra andû arîa athîni, mamanyitaga na mîtego yao na makathiî nao.

Thaburi 35:17

We Ngai-Mûnene, nîwîkara ûroretie nginya rî? Mvonokia ndige kûtharîkîrwa nîo, vonokia mwoyo wakwa kuuma kûrî mînyambû îno!

Thaburi 43:3

Mva ûtheri na ûûma waku indongorie, na injokie Zayuni, kîrîmarî gîaku kîtheru, na hekarûrî yaku, kûrîa ûtûûraga.

Thaburi 52:2

Ûvangaga vîndî cionthe gûcûkangia arîa engî; rûrîmî rwaku rwîkariî ta kawembe kaûgî. Wîciragia vîndî cionthe gwîka naaî.

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

Thaburi 58:6

We Ngai, unanga magego mao; kûûra magego ma andû aya mekariî ta mînyambû, we Ngai-Mûnene.

Thaburi 59:7

Tathikîrîria ûrîa mararumana, ciugo ciao itemaga ta rûviû rûûgî, na meciragia atî gûtirî mûndû ûregua ûrîa marauga.

Thaburi 64:3

Manooraga nîmî ciao ta mviû, na maikagia ciugo ndûrû ta mîguî.

Nthi 12:18

Ciugo njûku iguraragia ta rûviû, nwatî ciugo cia mûndû mûûgî nîivonagia kîronda.

Nthi 25:18

Mûndû ûrîa ûrutaga ûira wa maveeni îgûrû rîgiî mûndû ûrîa wîngî, ekariî ta njokoma ya mbaara, kana rûviû, kana mûguî mûûgî.

Nthi 28:15

Mûthamaki mwaganu akîatha athîni, nîta mûnyambû ûkîrarama kana ngatûnyi îkîtharîkîra kîndû.

Nthi 30:14

Kûrî andû marî na magego mekariî ta mviû, magego mau mao mekariî ta tûviû; mendaga gûcûkangia andû arîa athîni mathire gûkû nthî, andû arîa matarî vinya mathire gatagatîrî ka andû.

Jakuvu 3:6

Rûrîmî nwa rûtuîke ta mwaki. Nî vûrûri mûgima wa maûndû macûku gatagatîrî ga ciîga cia mîîrî yetû. Rûrîmî nîrûtambagia ûcûku wa ruo mwîrîrî wonthe. Nîrûvîvagia mûtûûrîre wetû wonthe na mwaki ûrîa ûkaga kûrî ruo kuuma îcua.

Kûguû 19:15

Kanyuarî gake nîkwaumire rûviû rwa njûra rûûgî, rûrîa ke akaavûthîra kûvoota mavûrûri. Ke nîakaamathaga na rûthanju rwa cuuma. Nî akaaviva thavibu ciume ndivei ya marakara ma Ngai mwene vinya wonthe.

Atir 9:20

Nwatî ethîrwa tî ûguo, mwaki ûrouma kûrî Abimeleki na ûvîvie andû a Shekemu na andû a Bethimilo viû. Na rîngî mwaki ûrouma kûrî andû a Shekemu na Bethimilo na ûvîvie Abimeleki viû.”