Thaburi 57:2 - ÎVUKU RÎA ÛVORO MWARO

² Ngayagîra Ngai ûrîa ûrî Îgûrû Mûno, Ngai ûrîa ûmvecaga kîrîa kîonthe mvataraga.

Thaburi 57:2 ပူးပေါင်းရင်းမြစ်များ

Thaburi 138:8

Ngai-Mûnene nîakaamvingîria maûndû marîa ambîrîîre. Wendo waku ûtathiraga we Ngai-Mûnene, ûtûûraga tene na tene. Ndûgatiganîrie wîra wa njara ciaku.

Thaburi 143:9

We Ngai-Mûnene, ndethûra kuuma kûrî nthû ciakwa; nîûndû mbûrîrîte kûrî we nîguo ûngitîre.

Thaburi 17:8

Ngitîra ta ndongu ya riitho, ûnthithe rungu rwa mathagu maku,

Thaburi 41:5

Nthû ciakwa ciaragia maûndû makwa macûku ikiugaga atîrî, “Agaakua rî na ariganîre.”

Thaburi 56:2

Nthû ciakwa intharîkagîra mûthenya mûgima. Andû arîa mararûa nanie nî eengî mûno.

Isaia 26:12

We Ngai-Mûnene nîûtûvete thayû, nîûtûvotithîtie kûruta mawîra metû monthe.

Isaia 26:20

Ûkani andû akwa, tonyani nyombarî cienyu na mwîvingîre kuo; îîthitheni kavinda kanini nginya rîrîa marakara ma Ngai makaathira.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Ahib 13:21

Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!