Thaburi 5:9 - ÎVUKU RÎA ÛVORO MWARO

⁹ Nthû ciakwa itingîaria ûma; mendaga gûcûkangia andû arîa engî. Ciugo ciao nî cia kînyûrûri na nî nyoroku, nwatî maragia maûndû macûku.

Thaburi 5:9 ပူးပေါင်းရင်းမြစ်များ

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Thaburi 27:11

Nthomithia, we Ngai-Mûnene, ûrîa ûkwenda mbîke, na ûndongorie njîrarî îrîa îrî na thayû, nîûndû nthû ciakwa nî nyîngî.

Thaburi 51:6

We wendaga ûûma kuuma ngororî; kwoguo mva ûûgî wa ngoro.

Thaburi 52:2

Ûvangaga vîndî cionthe gûcûkangia arîa engî; rûrîmî rwaku rwîkariî ta kawembe kaûgî. Wîciragia vîndî cionthe gwîka naaî.

Thaburi 62:4

Mûvangîte kûnduta vandû va gîtîîo; mûkenaga rîrîa mûkwaria maveeni. Mwaragia ciugo mbaro cia kûrathimana, nwatî ngororî mwîthagîrwa mûkîrumana.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Thaburi 64:6

Mavangaga mîvango yao mîcûku na makauga atîrî, “Nîtwavanga mûvango mwaro.” Maûndû ma nthitho methagîrwa marî ngororî na meciriarî ma mûndû.

Thaburi 69:19

We nîwicî ûrîa nîrarumwa, ûrîa nîraconorithua na ngaimwa gîtîîo; na nîwicî nthû ciakwa cionthe.

Nthi 29:5

Mûndû ûrîa ûnyûrûragia mûndû ûrîa wîngî, aigaga mûtego wa kwînyita ke mwene.

Isaia 26:7

Njîra ya andû arîa athingu nî nûngarû; we Ngai-Mûnene nîûrûngaragia njîra cia andû arîa athingu.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Mika 6:12

Andû arîa itonga nîmaverithagia andû arîa athîni, na muonthe mwîcûrîtwe nî maveeni.

Luka 11:39

Jesû nîwamwîrire atîrî, “Mue Afarisai aya! Mûthambagia ikombe na thaani cienyu îgûrû, nwatî ngororî cienyu mwîcûrîtwe nî ûkoroku na waganu.

Luka 11:44

Na kaî mue mûrî na thîna-î! Nîûndû mue mwîkariî ta mbîrîra irîa itarî na rûûri na irîa andû makinyangaga matakûmenya.”

Aroma 3:13

Mîmero yao nî ta mbîîrîra ngunûre, nîmî ciao ciaragia maveeni. Mîromorî yao kuumaga ndeto ndûrû ta ûrogi wa njoka.

1Ath 2:5

Mue nîmwîcî atî tîkwa twîyendithagia na njîra ya kûmûva ndeto cia maveeni wana tûtitûmagîra ciugo cia gûkunîkîra ûkoroku. Ngai nî mûira wetû!