Thaburi 5:8 - ÎVUKU RÎA ÛVORO MWARO

⁸ Ngai-Mûnene, nthû ciakwa nî nyîngî! Mvotithia kûvingia wendi waku, na ûnûngarîrie njîra yaku nîguo nîmîrûmîrîre.

Thaburi 5:8 ပူးပေါင်းရင်းမြစ်များ

2Sam 12:14

Nwatî na njîra ya gîîko kîu wîkîte, nîûnyararîte Ngai-Mûnene. Kwoguo kaana kau nwanginya gagaakua.”

Thaburi 119:10

Ngûcaragia na ngoro yakwa yonthe, ndûkandekererie ndiganîria maathani maku.

Thaburi 119:64

We Ngai-Mûnene, nthî îcûrîtwe nî wendo waku ûtathiraga; nthomithia mawatho maku.

Thaburi 138:2

Nyînamagîrîria ûthiû mberekerete hekarû yaku ntheru, na ngagûcokeria ngatho, nîûndû wa wîvokeku waku na wendo waku ûtathiraga; nîûndû nîûnenevetie rîîtwa rîaku na kiugo gîaku gûkîra maûndû monthe.

Thaburi 27:11

Nthomithia, we Ngai-Mûnene, ûrîa ûkwenda mbîke, na ûndongorie njîrarî îrîa îrî na thayû, nîûndû nthû ciakwa nî nyîngî.

Thaburi 31:1

Mbûkîte kûrî we Ngai-Mûnene nîguo ûngitîre; ndûkanjonorithie. We wî Ngai mûthingu, nîrakûvoya ûmvonokie.

Thaburi 54:5

Ngai nîagaatûma nthû ciakwa icokererwe nî waganu wao o ene, na amathirie nîûndû wa wîvokeku wake.

Thaburi 59:10

Ngai wakwa amendete na nîagaaûka kûrî nie; nîagaatûma mone nthû ciakwa ikîvootwa.

Thaburi 86:11

Nthomithia njîra ciaku, we Ngai-Mûnene, na nîngûkwathîkîra nîrî mwîvokeku; nthomithia nîguo ngûtungatage na ngoro yonthe.

Nthi 4:25

Thiîcaga ûroretie mbere; thiîcaga ûtakwîvûgûra.

Jona 2:5

Manjî nîmaandigicîrie na makîngunîkîra viû ngîremwa nî kûveva, îria rîrîa rîmeraga îriarî nîrîanjovanirie kîongo.

Mathaayo 3:3

Johana aarî mûndû ûrîa Mûrathi Isaia aaragia ûvoro wake rîrîa aaugire atîrî, “Kûrî na mûndû ûranîrîra arî werûrî akiugaga: ‘Thondekani njîra ya Mwathani, na mûrûngarie tûcîra twake!’ ”

Ahib 12:13

Thiîrîrani njîrarî nûngarû nîguo kûgûrû kûrîa kwonju gûtikagonyoke, vandû va ûguo kûvonue.