Thaburi 5:7 - ÎVUKU RÎA ÛVORO MWARO

⁷ Nwatî nîûndû wa wendo waku ûtathiraga, nwa ndonye nyombarî yaku, ngûgooce nîrî hekarûrî yaku ntheru, na ngakwînamîrîra na gîtîîo.

Thaburi 5:7 ပူးပေါင်းရင်းမြစ်များ

1Atha 8:35

“Vîndî îrîa ûkaagiria mbura yure nîûndû wa ûrîa andû aku makeethîrwa makûvîtîrîtie, na macoke merire na makûvoye marî na wînyivia marî hekarûrî îno,

1Atha 8:38

ûkaathikîrîria mavoya mao. Mûndû wa wonthe kana andû aku a Isiraeli mangîgaakûthaitha wa mûndû atambarûkîtie njara ciake erekerete hekarûrî îno nîûndû wa kwîgua kîeva ngororî ciao,

Thaburi 101:7

Andû a maveeni matigaatûûra gwakwa mûciî; gûtirî mûndû mûthaani ûgeekara gwakwa.

Thaburi 130:4

Nwatî we nîûtwovagîra, nîguo tûgûtîîage.

Thaburi 132:7

Nîtwaugire atîrî, “Nîtûthiî nyombarî ya Ngai, tûkamûgooce tûrî mbere ya gîtî gîake Kîam ûthamaki.”

Thaburi 138:2

Nyînamagîrîria ûthiû mberekerete hekarû yaku ntheru, na ngagûcokeria ngatho, nîûndû wa wîvokeku waku na wendo waku ûtathiraga; nîûndû nîûnenevetie rîîtwa rîaku na kiugo gîaku gûkîra maûndû monthe.

Thaburi 28:2

Thikîrîria Ngai-Mûnene ngîgûkaîra ûndethie, mbûkîrîrîtie njara ciakwa nîcierekeretie hekarûrî yaku ntheru.

Thaburi 34:17

Rîrîa andû athingu magûkaîra Ngai-Mûnene nîamathikagîrîria; na nîamavonokagia kuuma mathînarî mao monthe.

Thaburi 51:1

Mbîguîra ntha, we Ngai, nîûndû wa wendo waku ûtathiraga. Theria mevia makwa, nîûndû wa ntha ciaku nyîngî!

Thaburi 52:8

Nwatî nie mbîkariî ta mûtî wa mûtamaiyû ûgîkûra nyombarî ya Ngai, nîîvokaga wendo ûtathiraga wa Ngai tene na tene.

Thaburi 55:16

Nwatî nînîrakaîra Ngai, na Ngai-Mûnene nîakûmvonokia.

Thaburi 69:13

Nwatî we Ngai-Mûnene, nîwe mvoyaga; îtîkîra îvoya rîakwa we Ngai, vîndî îrîa ûngîenda. Njokeria îvoya rîakwa nîûndû wa wendo waku ûtathiraga, nîûndû we nîûvingagia kîîranîro gîaku gîa kûvonokania.

Thaburi 69:16

Njokeria we Ngai-Mûnene, nîûndû wa wega wa wendo waku ûtathiraga; mvûgûkîra nîûndû wa ntha ciaku nyîngî!

Nthi 6:16

Kûrî na maûndû matandatû marîa Ngai-Mûnene amenete, Ii nî mûgwanja marîa marî mûgiro kûrî ke:

Nthi 6:17

varî mwîtîîo, rûrîmî rwaragia maveeni, njara irîa ciûragaga andû matarî na mavîtia,

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 64:11

Nyomba yetû îrîa ntheru na nthaka, kûrîa methe metû maagûkumagîria, nîîvîvîtue na mwaki îkavîa viû. Nakuo kûndû gwetû kuonthe kûrîa kwarî kûthaka gûtigîtwe kwanangîkîte.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”