Thaburi 41:7 - ÎVUKU RÎA ÛVORO MWARO

⁷ Arîa onthe manthûrîte mavevanagîrîra makîaria ndeto ciakwa, mavangaga kûmbîka maûndû macûku.

Thaburi 41:7 ပူးပေါင်းရင်းမြစ်များ

Thaburi 31:13

Nînîregua nthû nyîngî ikîvevanîrîra, thîna ûrî na mîena yonthe, maravanga ûrîa makûntharîkîra, maravanga ûrîa makûmbûraga.

Nthi 16:28

Andû arîa acûku nîo matûmaga kûgîe na ngucanio, na nîo matûmaga andû arîa mendanîte mamenane.

Nthi 26:20

Rîrîa ngû ciathira mwaki nîkwa ûvoraga; na kûrîa gûtarî ngutû, îteta nîrîthiraga.

Mathaayo 22:15

Afarisai nîmaathiîre na makîvanga ûrîa magûtega Jesû na ciûria.

Aroma 1:29

Nîmecûrirwe nî waganu wa mîthemba yonthe, maûndû macûku, ûkoroku na ûthû. Mecûrîtwe nî wîru, ûragani, mbaara, maveeni na gwîcirîria andû arîa engî naaî.

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.