Thaburi 41:2 - ÎVUKU RÎA ÛVORO MWARO

² Ngai-Mûnene nîamagitagîra na akamamenyerera ûtûûrorî wao; nîmagaatûûra marî akenu marî vûrûrirî; ke ndakaamatiganîria kûrî nthû ciao.

Thaburi 41:2 ပူးပေါင်းရင်းမြစ်များ

Thaburi 27:12

Ndûkandiganîrie kûrî nthû ciakwa mambîke wa ûrîa makwenda, mambigagîrîra maûndû ma maveeni na makauga ûrîa makûmbîka maûndû macûku.

Thaburi 33:19

Nîamavonokagia kuuma gîkuûrî, na akamatûûria mwoyo vîndî ya yûra.

Thaburi 37:22

Andû arîa arathime nî Ngai-Mûnene nîmakagaa nthî, nwatî arîa arume nîke nîmakaathirua.

Nthi 11:17

Mûndû ûrîa ûrî ntha nîagunîkaga ke mwene, nwatî mûndû ûrîa mwaganu ecûkangagia ke mwene.

Nthi 14:21

Mûndû ûrîa ûnyararaga mûndû ûrîa mariganîtie nake nî mwîvia, nwatî mûndû ûrîa wîgucagîra mûthîni ntha nîarathimagwa.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 31:20

Nîavecaga andû arîa athîni, na nîatethagia arîa marî na ûvatari.

Jeremia 39:17

Nwatî mûthenya ûcio nie mwene nîngakûvonokia, na ndûkarekererua kûrî arîa wîtigagîra.

Gûco 14:29

Irio ino nî cia Alawi nîûndû matiagaîrwa kûndû gwa gûtûûra gatagatîrî kenyu, ageni, ciana cia ndigwa, na aka a ndigwa arîa matûûraga matûûrarî menyu, nîguo monage gîa kûrîa makavaa. Mwîkage ûguo nîguo Ngai-Mûnene Ngai wenyu amûrathimage na akarathima wîra wenyu.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

Ruthu 2:19

Nyaciarawe nîwamûûririe atîrî, “Waûngania cairi îno yonthe kû? Watinda ûkîruta wîra mûgûndarî wa û? Ngai-Mûnene arorathima mûndû ûcio wendire gûgwîka waro!” Nake Ruthu nîwamenyithirie Naomi atî aatindîte akîruta wîra mûgûndarî wa mûndû wetagwa Boazu.