Thaburi 40:9 - ÎVUKU RÎA ÛVORO MWARO

⁹ Nîmvecanîte ûvoro mwaro wa ûvonokio, kîûnganorî kînene Kîam andû aku. We Ngai-Mûnene nîwicî, ndianatiga kûvecana ûvoro ûcio.

Thaburi 40:9 ပူးပေါင်းရင်းမြစ်များ

Thaburi 119:13

Nganagîrîra mbugîrîrîtie maathani maku monthe marîa ûvecanîte.

Thaburi 139:2

Nîûmenyaga rîrîa ngwîkara nthî na rîrîa ngûkîra, nîûmenyaga meciria makwa ûrî kûraca.

Thaburi 22:22

Nî ngeera andû etû maûndû marîa wîkîte, nîngaagûkumia nîrî hekarûrî kîgomanorî Kîamo.

Thaburi 22:25

Nîngaagûkumia nîrî kîûnganorî kînene nîûndû wa ûrîa wîkîte, nîngaakûrutîra magongoona wata ûrîa neranîîre, andû arîa makûgoocaga makîonaga

Thaburi 35:18

Nîngaaûcokeria ngatho nîrî kîûnganorî kînene Kîam andû aku; nîngaagûkumia andû eengî makîonaga.

Thaburi 37:31

Nîmaigaga mawatho ma Ngai ngororî ciao; na matiîkaga maûndû mataringanîte na mawatho mau.

Jeremia 31:33

Nwatî vuva wa mîthenya îo, gîkî nîkîo kîrîkanîro kîrîa ngarûtha na andû a Isiraeli. Nîngaiga watho wakwa ndarî yao na nîwandîke ngororî ciao. Nîngatuîka Ngai wao nao matuîke andû akwa.

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Ahib 2:12

Ke eraga Ngai atîrî, “Nie nîngwîra andû etû ûrîa weka; ngaagûkumagia mîcemaniorî yao.”

Josh 22:22

“Ngai Ûmwe ûrîa ûrî Vinya, nîke Ngai-Mûnene! Ngai Ûmwe ûrîa ûrî Vinya, nîke Ngai-Mûnene! Ke nîwicî kîrîa gîatûmire twîke ûguo na nîtûkwenda wanamue mûmenye. Ethîrwa nîtwekire ûndû mûcûku na tûkîthûkia kîrîkanîro gîetû na Ngai-Mûnene, ndûkareke tûtûûra mwoyo!