Thaburi 4:8 - ÎVUKU RÎA ÛVORO MWARO

⁸ Mamaga ûrîrî na nganyitwa nî toro nîrî na thayû, nîûndû we Ngai-Mûnene, nîwe wenga tu ûngitagîra.

Thaburi 4:8 ပူးပေါင်းရင်းမြစ်များ

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Thaburi 3:5

Mamaga ûrîrî na ngagwatwa nî toro, ngacoka gûkîra kîraûko nîûndû Ngai-Mûnene nîangitagîra.

Nthi 3:24

Rîrîa wîkarîte nthî, ndûgetigagîra; na wathiî kûmama, ûkaamamaga toro mbaro.

Isaia 9:2

Andû arîa maatwîre mathiîcagîrîra ndumarî nîmonete ûtheri mûnene. Andû arîa maatûûraga vûrûrirî wa nduma ndumanu, rîu nîmarîrîtwe nî ûtheri.

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Hosea 2:18

Nîngarûtha kîrîkanîro na nyamû cia kîthaka, iconi cia rîerarî, vamwe na tûgunyû tûrîa tûkurumaga, na nîngathengutia ûta, rûviû, na indo cia mbaara vûrûrirî, na ndûme ûtûûre ûrî mûgitîre.

Alawi 26:5

Irio cienyu nîikengîva na mûikethage nginya vîndî ya gûketha thavibu, na mûkethîrwa mûgîketha thavibu nginya vîndî ya kûvanda ngano. Mûkethagîrwa mûrî na irio nyîngî irîa mûvatarîte na mûtûûre vûrûrirî wenyu mûrî agitîre.

Gûco 12:10

Nwatî rîrîa mûkaaringa rûnjî rwa Jorodani mûkinye vûrûrirî ûrîa Ngai-Mûnene Ngai wenyu akûmûva ûtuîke wenyu, nîakaamûva ûvurûko na amûgitîre kuuma kûrî nthû cienyu irîa ikeethîrwa imûthiûrûrûkîrîtie na nîmûgaatûûra na thayû.

1Ath 5:10

Jesû aakwire nîûndû wetû nîguo tûtûûrage vamwe nake, wana ethîrwa tûrî mwoyo kana tûrî akuû.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”