Thaburi 4:2 - ÎVUKU RÎA ÛVORO MWARO

² Mue andû aya, nîmûtûûra mûnyararîte nginya rî? Nîmûtûûra mwendete maûndû matarî vata nginya rî mûkîaragia maveeni?

Thaburi 4:2 ပူးပေါင်းရင်းမြစ်များ

Thaburi 106:20

Maatigire kûgooca Ngai ûrîa ûrî riiri, na makîambîrîria kûgooca mûvuanano wa ndegwa îrîa îrîcaga nyaki.

Thaburi 14:6

Andû arîa aganu nî macûkangagia mîvango ya andû arîa athîni, nwatî Ngai-Mûnene nîke ûmagitagîra.

Thaburi 2:1

Atongoria a mavûrûri mavangaga kûregana na Ngai nîkî, na makagîa na mîvango ya mana?

Thaburi 3:3

Nwatî we Ngai-Mûnene, nîwe ûngitagîra kuuma ûgwatirî, ûmvecaga ûvootani na ûkambîkîra ûcamba.

Thaburi 31:6

We nîûmenete andû arîa magoocaga ngai cia mîvuanano, nwatî nie nî ngwîvokete, we Ngai-Mûnene.

Thaburi 5:6

We nîûcûkangagia andû arîa maveenanagia, na nîûreganaga na aûragani na arîa mataragia ûma.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Thaburi 58:1

Mue atongoria, nîmûtucagîra andû na waragania? Mue atucanîri ciira, nîmûtucagîra andû na kîvooto?

Thaburi 58:3

Andû arîa aganu matûûraga mavîtagia; matûûraga maveenanagia kuuma rîrîa maaciarirwe.

Thaburi 63:11

Mûthamaki nîagaakena, nîûndû Ngai nîamûvecaga ûvootani. Arîa marûthaga ciîranîro rîîtwa rîa Ngai, nîmakaamûkumia, nwatî andû arîa maveenanagia nîmagaakirua.

Thaburi 72:2

nîguo athage andû aku na kîvooto, na athage arîa avinyîrîrie na ûthingu.

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Nthi 1:22

“Mue irimû ino! Mûrenda gwîkara mûrî irimû nginya rî? Mûrenda gwîkara mûkînyararaga ûmenyo, mûkaamenya maûndû rî?

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Mûvunjia 9:3

Ûyû nî ûndû mûcûku mûno gatagatî ka marîa monthe mekîkaga gûkû nthî atî, mûrigîrîrio wa andû onthe nî ûmwe. Andû methagîrwa mecûrîtwe nî maûndû macûku na ûgûrûki na mûthiiarî magakua.

Isaia 20:5

Kwoguo arîa onthe mevokete Ethiopia na metîîaga nîûndû wa Misiri nîmakaamaka na maconoke.

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Jeremia 2:5

Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Hosea 4:7

Wa ûrîa athînjîri-Ngai mongerekaga, nwaguo onthe mevagia mbere yakwa. Kwoguo nîngatûma riiri wao ûtuîke gîconoko.

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Ciîko 24:9

Ayahudi acio engî wa nao nîmaathitangire Paûlo na makiuga atî maûndû mau monthe maarî ma ma.

1Akor 1:31

Kwoguo wata ûrîa mandîko matheru maugîte: “Mûndû wa wonthe ûngîenda gwîtîîa nîetîîe na maûndû marîa Mwathani ekîte.”

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.