Thaburi 4:1 - ÎVUKU RÎA ÛVORO MWARO

¹ Ngai-Mûnene mbîtîkaga rîrîa ngûkûvoya, we, nîwe ûngitagîra! Rîrîa naarî thînarî, we nîwandethirie; mbîguîra ntha na ûthikîrîrie îvoya rîakwa.

Thaburi 4:1 ပူးပေါင်းရင်းမြစ်များ

Ayubu 36:16

Ngai nîwakûgucîrîrie agîkûruta thînarî, agîkûvira kûndû kwaro gûtarî ûgwati, na agîkwigîra irio irîa mbaro metharî.

Thaburi 11:7

Ngai-Mûnene nî mûthingu na nîendete ciîko cia ûthingu, andû arîa mekaga ciîko cia ûthingu nî magaatûûrania nake.

Thaburi 116:16

We Ngai-Mûnene, nie nîrî ndungata yaku; ndungata yaku, mwana wa ndungata yaku ya mûndûmûka. We nîûnjovorete mînyororo yakwa.

Thaburi 116:6

Ngai-Mûnene nîagitagîra arîa matarî vinya; rîrîa naarî thînarî nîwamvonokirie.

Thaburi 119:132

Nthikîrîria na ûmbîguîre ntha, wata ûrîa wîkaga andû onthe arîa makwendete.

Thaburi 143:2

Ndûkanjirithie nie, ndungata yaku, nîûndû gûtirî mûndû mûthingu mbere yaku.

Thaburi 17:6

We Ngai, nîrakûvoya nîûndû nî ûmbîgucaga, tega matû maku na ûnthikîrîrie.

Thaburi 22:1

Ngai wakwa, Ngai wakwa, ûndiganîrîtie nîkî? Nîkwa wî kûraca nanie ûguo nîkî, na ûkarega kwîgua ngîgûkaîra?

Thaburi 24:5

Ngai-Mûnene nîakaamarathima na amavonokie, na Ngai mûvonokia wao nîagaatua atî matirî na mavîtia.

Thaburi 25:16

Nthikîrîria, we Ngai-Mûnene na ûmbîguîre ntha, nîûndû nîrî na îvooru na ndirî na vinya.

Thaburi 31:8

Ndwandekereria kûrî nthû ciakwa, nîûnûngamîtie vandû varî na thayû.

Thaburi 41:12

We nîûndethagia nîûndû mbîkaga maûndû maro, na nîûmbigaga vakuvî nawe tene na tene.

Thaburi 42:1

Wata ûrîa nthwariga înyondagîra manjî ma rûnjî, nwaguo ngoro yakwa îkûnyondagîra, we Ngai wakwa.

Thaburi 45:1

Ngoro yakwa îcûrîtwe nî ciugo mbaro, ngîtunga rwîmbo rwa kwinîra mûthamaki. Rûrîmî rwakwa rwîkariî ta karamu, ka mûndû wicî kwandîka waro.

Thaburi 56:1

Mbîguîra ntha, we Ngai, nîûndû nînîratharîkîrwa; nthû ciakwa inyariraga vîndî cionthe.

Thaburi 57:1

Mbîguîra ntha, we Ngai, mbîguîra ntha, nîûndû mbûkaga kûrî we nîguo ûngitîre. Ngitagîrwa nî kîruru Kîam mathagu maku, nginya rîrîa kîvuvûkanio Kîam mathîna gîkaathira.

Thaburi 6:1

Ûûi Ngai-Mûnene, ndûkanganie ûrî na marakara! Ndûkamverithie ûrî na marûrû!

Thaburi 67:1

Ngai, twîguîre ntha na ûtûrathime; na ûtwîke maûndû maro,

Thaburi 76:1

Ngai nîecîkene Juda; rîîtwa rîake nî rînene Isiraeli.

Isaia 45:24

“Vîndî îo nîgûkeerwa îgûrû rîakwa atî: Ûthingu na vinya cionekaga kûrî Ngai-Mûnene; andû arîa onthe maamûrakarîrîte, nîmagaaûka kûrî ke na maconoke.”

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Habakuku 3:19

Mwathani Ngai-Mûnene nîke vinya wakwa, nîatûmaga magûrû makwa matuîke ta ma nthwariga, atûmaga nthiîrîre irîma îgûrû.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 1:10

Ngai nîwatûvonokirie kuuma mogwatirî mau manene ma gîkuû, na ke nîakûthiî na mbere gûtûvonokia. Twigîte kîîrîgîrîro gîetû kûrî ke na nîagaatûvonokia rîngî.

2Akor 1:8

Ariû na aarî a îthe wetû, tue nîtûkwenda mûmenye mathîna marîa twarî namo vûrûrirî wa Asia. Mîrigo îrîa tue twakuithîtue yarî mînene na mîrito nginya tûkîûrwa nî kîîrîgîrîro gîa ûtûûro.

1Sam 17:37

Ngai-Mûnene ûrîa ûmvonokagia kuuma kûrî mînyambû na ngatûnyi, nwake ûkamvonokia kuuma kûrî Mûfilisiti ûyû.” Nake Saûlo nîwerire Daudi atîrî, “Nî waro, thiî na Ngai-Mûnene aroîkara nawe.”