Thaburi 38:4 - ÎVUKU RÎA ÛVORO MWARO

⁴ Mevia makwa nî meengî mûno, manditûvîrîte ta mûrigo na ndingîvota kûmakuua.

Thaburi 38:4 ပူးပေါင်းရင်းမြစ်များ

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Ayubu 33:19

Ngai nîaverithagia mûndû na njîra ya mîrimû, na agatûma mwîrî wake wonthe wîcûrwe nî ruuo.

Thaburi 107:17

Andû amwe maarî irimû nîûndû wa mevia mao, na makathînîka nîûndû wa maûndû mao macûku;

Thaburi 40:12

Nthiûrûrûkîrîtue nî mathîna meengî mûno matangîtarîka! Mevia makwa mangunîkîte nginya ngaremwa nî kwona; mengîvîte gûkîra njuîrî cia kîongo gîakwa, nanie nîrî mûthiru vinya.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Maca 1:14

“Nîwatarire mevia makwa monthe, na akîmovania monthe vamwe. Nîwamoverere ngingorî yakwa, ngîthira vinya nîûndû wa ûrito wa mo. Mwathani nîwandekererie njararî cia nthû ciakwa, irîa ndangîavotire gwîtirîria.

Alawi 7:18

Ethîrwa imwe cia nyama icio nwa irîwe mûthenyarî wa kathatû Ngai ndageetîkîra mûndû ûcio ûkethîrwa akîruta îtega rîu. Narîo îtega rîake rîtigeetîkîrîka na rîkethîrwa rîrî mûgiro, nake mûndû wa wonthe ûkaarîa nyama icio nîakaaverithua.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.