Thaburi 3:5 - ÎVUKU RÎA ÛVORO MWARO

⁵ Mamaga ûrîrî na ngagwatwa nî toro, ngacoka gûkîra kîraûko nîûndû Ngai-Mûnene nîangitagîra.

Thaburi 3:5 ပူးပေါင်းရင်းမြစ်များ

Thaburi 4:8

Mamaga ûrîrî na nganyitwa nî toro nîrî na thayû, nîûndû we Ngai-Mûnene, nîwe wenga tu ûngitagîra.

Nthi 3:24

Rîrîa wîkarîte nthî, ndûgetigagîra; na wathiî kûmama, ûkaamamaga toro mbaro.

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Alawi 26:6

“Nî ngaamûva thayû vûrûrirî wenyu, na mûkaamamaga mûtagwîtigîra wanarî mûndû. Nî ngaathiria nyamû cionthe njûku vûrûrirî na mûtikaarûa na nthû cienyu rîngî.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Nthi 14:26

Mûndû ûrîa wîtigîrîte Ngai-Mûnene ndetigagîra, nacio ciana ciake nîikaagîa na kûndû gwa kûûrîra.

Thaburi 66:9

Ke nîatwigîte tûrî mwoyo na ndaatûrekereria tûvootwe.

Ciîko 12:6

Naguo ûtukû mbere ya Herode avira Petero kûrî andû, Petero aarî njeera amamîte karîgatî ka athigari aîrî, na ovetwe na mînyororo îrî. Nao athigari acio engî maarangîrîte mwîrîga wa njeera.

Thaburi 34:5

Mwîvokeni na mûgîe na gîkeno; na gûtirî vîndî mûgaaconorithua.