Thaburi 27:3 - ÎVUKU RÎA ÛVORO MWARO

³ Wana athigari a mbaara mangîndigicîria, gûtirî kîndû ngeetigîra, wana nthû ciantharîkîra, vîndî cionthe ngeevokaga Ngai.

Thaburi 27:3 ပူးပေါင်းရင်းမြစ်များ

2Maû 20:15

Jahazieli nîwaugire atîrî, “Mûthamaki Jehoshafati na andû onthe arîa mûtûûraga Juda na Jerusalemu, tanthikîrîriani. Ngai-Mûnene augîte atî, mûtigetigîre na mûtikegue guoya nîûndû wa athigari aya eengî ûguo, nîûndû mbaara tî yenyu nî ya Ngai.

Ayubu 4:6

We wîthîrîtwe wîtigîrîte Ngai na ûrî mwîvokeku, kwoguo wagîrîrwe nî kûgîa na vinya na kîîrîgîrîro.

Thaburi 112:7

Ke ndetigagîra kwîgua ûndû mûcûku; wîtîkio wake nî mwîkindîriu, na evokaga Ngai-Mûnene.

Thaburi 3:6

Ndiretigîra andû ngiri makûmi meengî, arîa mandigicîrie mîena yonthe.

Thaburi 3:7

Ngai-Mûnene, Ngai wakwa, ûka ûmvonokie! Nîunangîte nthû ciakwa cionthe nthîa, na ûgatiga wakûûra andû arîa aganu magego.

Thaburi 52:6

Andû arîa athingu nîmakoona ûguo na nîmagetigîra; nîmagaacoka makûthekerere makiugaga atîrî,

Afil 1:28

Mûtigetigîre nthû cienyu. Îthagîrwani mûrî na ûmîrîru vingo cionthe. Mweka ûguo nîmûkwonia nthû cienyu atî itikaavootana, nwatî nîmûkaavootana nîûndû Ngai nîke ûtûmaga mûvootane.

1Pet 3:14

Nwatî wana mûngîthînîka nîûndû wa gwîka ûrîa kwagîrîrîte, mûrî arathime. Mûtigetigîre mûndû kana mûtangîke.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

1Sam 19:8

Afilisiti nîmaambîrîrie mbaara rîngî na andû a Isiraeli. Daudi nîwarûire nao, akîmavoota nginya makîûra.