Thaburi 2:2 - ÎVUKU RÎA ÛVORO MWARO

² Athamaki a nthî nîmevaragîria, nao atongoria a nthî makathiî ndundu nîguo maregane na Ngai-Mûnene na maregane na mûthamaki ûrîa Ngai-Mûnene athuurîte makiugaga atîrî,

Thaburi 2:2 ပူးပေါင်းရင်းမြစ်များ

Thaburi 110:5

Mwathani arî mwena waku wa ûrîo, rîrîa akaarakara nî akaavoota athamaki.

Thaburi 2:10

Kwoguo mue athamaki, tuîkani andû aûgî; mue atongoria a nthî, thikîrîriani ûrîa mûrakaanua:

Thaburi 45:7

nîwendete ûthingu na ûkamena waganu. Kwoguo Ngai, Ngai waku nîakûthuurîte, na nîakûvete gîkeno gûkîra athamaki arîa engî onthe.

Thaburi 48:4

Nîûndû athamaki nîmaagomanire vamwe, na nîmathiîte kûtharîkîra Kîrîma gîa Zayuni.

Thaburi 48:5

Nwatî rîrîa maakîonire, nîmaamakire; nîmegwire guoya na makîûra.

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Thaburi 74:23

Ndûkariganîrwe nî înegene rîa nthû ciaku, ûrîa itûûraga vîndî cionthe inegenaga.

Thaburi 83:6

andû a Edomu na andû a Ishumaeli, andû a Moabu na andû a Hagari,

Thaburi 89:20

Nîmonete Daudi ndungata yakwa, nîmwamûrîte na ngamwîtîrîria maguta makwa matheru.

Ntha 16:7

Na kîraûko nîmûkoona riiri wa Ngai-Mûnene nîûndû ke nîeguîte mûkîmûtetia. Tue tûrî a, atî nîguo mûtûtetie?”

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Mathaayo 26:3

Nao anene a athînjîri-Ngai wa vamwe na athuuri nîmaacemanirie mûciî kwa Mûthînjîri-Ngai mûnene wetagwa Kaiafa,

Mathaayo 26:59

Nao anene a athînjîri-Ngai, na Kîamma kîonthe nîmaacaragia ûira wa maveeni ûrîa mangîruta nîguo maûragithie Jesû,

Mathaayo 27:1

Kîraûko tene, anene a athînjîri-Ngai onthe na athuuri nîmaavangire ûrîa makûûragithia Jesû.

Luka 13:31

Vîndî wa îo, Afarisai amwe nîmaathiîre varîa Jesû aarî na makîmwîra atîrî, “Nî kava ume gûkû nîûndû Herode nîarenda gûkûûragithia.”

Johana 1:41

Ûndû wa mbere ûrîa Enderea eekire warî kûthiî kûrî mûrwang'ina Simoni na akîmwîra atîrî, “Tue nîtûronire Mesaya.” (Ûguo nîkuga Kristû)

Johana 15:23

Mûndû wa wonthe ûmenete nîamenete wana nginya Vava.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 9:4

Nake nîwarivanire nthî na akîgua mûgambo ûkîmwîra atîrî, “Saûlo, Saûlo! Ûnyariraga nîkî?”

Ahib 1:9

We wendete ûthingu na ûkamena ûndû mûcûku, kwoguo Ngai, na nîke Ngai waku, nîakûthuurîte na agakûva gîtîîo na gîkeno gîkîrîte kîrîa avete arata aku.”