Thaburi 16:3 - ÎVUKU RÎA ÛVORO MWARO

³ Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

Thaburi 16:3 ပူးပေါင်းရင်းမြစ်များ

2Maû 6:41

Rîu Ngai-Mûnene, Ngai nîngûkûthaitha ûûke ûtonye vandû ava tûgûtumîrîte na twigîte îthandûkû rîaku rîa kîrîkanîro rîrîa rîonanagia vinya waku. We Ngai-Mûnene, Ngai, nakûvoya atî rîrîa athînjîri-Ngai aku manîrîra ûvonokio waku, andû aku amûre makenage nî maûndû maku maro.

Thaburi 101:6

Nîngaamenyerera andû arîa evokeku vûrûrirî, nîguo ndûûranie nao, andû arîa evokeku nîo makaandungatîra.

Thaburi 116:15

Gîkuû Kîam andû a Ngai-Mûnene, nî ûndû ûrî vata mbere yake.

Thaburi 119:63

Nie nîrî mûrata wa andû onthe arîa magwîtigîrîte, mûrata wa arîa mathîkagîra mawatho maku.

Thaburi 122:8

Nîûndû wa andû etû na arata etû, nîmbuga atîrî, “Jerusalemu kûrotûûra na thayû!”

Thaburi 30:4

Inani nyîmbo cia gûkumia Ngai-Mûnene, mue andû onthe ake! Ririkanani atî, ke nî mûtheru, na mûmûcokerie ngatho.

Nthi 12:26

Mûndû mûthingu nîwonagîrîria mûndû ûrîa wîngî njîra, nwatî njîra ya mûndû mwaganu nîîmûvîtithagia.

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Nthi 8:31

Nîwakenaga nî nthî yake na agakenua nî andû a nthî.

Rwîmbo rwa Nyîmbo 7:10

Nie nîrî wa mwendwa wakwa na nîamendete.

Isaia 62:4

We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.

Malaki 3:17

Ngai-Mûnene mwene vinya wonthe augîte kwandîkîtwe atîrî, “Andû acio magatuîka andû akwa. Matuîka îgai rîakwa mûthenya ûrîa ngarûngama nîguo mbîke ûrîa nduîte gwîka. Ndikameka naaî wata ûrîa îthe wa mwana atangîka mwana ûrîa mwathîki naaî.

Ciîko 9:13

Nwatî Anania nîwacokirie atîrî, “Mwathani, andû eengî nîmambîrîte ûvoro wîgiî mûndû ûcio, na wîgiî maûndû monthe macûku marîa ke ekîte andû aku atheru arîa marî kûu Jerusalemu.

Agal 6:10

Kwoguo, rîrîa rîonthe twagîa na kanya nîtwagîrîrwe nî gwîka andû onthe maûndû maro, na mûno makîria kûrî arîa metîkîtie wata tue.

Aefeso 1:1

Kuuma kûrî nie Paûlo, ûrîa Ngai aatuire mûtûmwa wa Jesû Kristû nîûndû ûcio nîguo warî wendi wake. Kûrî andû a Ngai arîa marî Efeso, arîa evokeku ûtûûrorî wao na marî kîndû kîmwe na Jesû Kristû.

Tito 3:8

Ûvoro ûyû nî wa ma. Nie nîrenda mue mûkinyîrîrie maûndû mama nîguo andû arîa metîkîtie Ngai mameciragie, nao mavecanage o ene nîûndû wa ciîko irîa ciagîrîrîte. Maûndû mama nîma vata na ma kûguna andû onthe.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.