Thaburi 146:3 - ÎVUKU RÎA ÛVORO MWARO

³ Ndûkaige mwîvoko waku kûrî anene, ndûkaige mwîvoko waku kûrî mûndû, ndangîkûvonokia.

Thaburi 146:3 ပူးပေါင်းရင်းမြစ်များ

2Atha 6:27

Nake mûthamaki nîwamwîrire atîrî, “Ethîrwa Ngai-Mûnene tîagûtethia, nie nîngîgûtethia na ndûî? Ndirî na ngano kana ndivei.”

2Maû 16:7

Kavindarî wa kau, mûrathi Hanani nîwathiîre kûrî mûthamaki Asa na akîmwîra atîrî, “Nîûndû we ûronire atî nwa wîvokire mûthamaki wa Sîria gûkîra kwîvoka Ngai-Mûnene, Ngai waku, athigari a mbaara a mûthamaki wa Sîria nîmagûtiganîria.

Thaburi 108:12

Tûtethie kûrûa na nthû cietû; nîûndû ûtethio wa mûndû nîwa mana.

Thaburi 60:11

Ûûi, tûtethie kûrûa na nthû; nîûndû ûtethio wa andû nî wa mana.

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Isaia 2:22

Ndûkevoke mûndû wa gûkû nthî. Ûtûûro wake ûthiraga ta mîvevû. Mûndû nîwa vata ûrîkû?

Isaia 22:25

Ngai-Mûnene mwene vinya wonthe augîte atîrî, ‘Rîrîa mûthenya ûcio ûgaakinya, mûcumarî ûrîa wamundîrîrîtwe vandû na kinyi nîûkagûka. Nîûkagûka na ûgwe nthî, naguo mûrigo ûrîa wenyitîrîrîte mûcumarîrî ûcio nîûkaagwa. Nie, Ngai-Mûnene nînie nauga ûguo.’ ”

Isaia 31:3

Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.

Isaia 37:6

Isaia nîwamerire atîrî, “Îrani mwathi wenyu Ngai-Mûnene arauga atî, ‘Ndûgetigîre nîûndû wa ûrîa wegua ndungata cia mûthamaki wa Asîria cianuma.