Thaburi 140:5 - ÎVUKU RÎA ÛVORO MWARO

⁵ Andû arîa etîi nîmambigîrîte mûtego; mambîte ndigi ta neti, na makathitha mîtego njîrarî nîguo mangwatithie.

Thaburi 140:5 ပူးပေါင်းရင်းမြစ်များ

Ayubu 18:9

Anyitagwa nî mûtego nthûng'warî, na ûkamûnyita na ndangîîtethûra.

Thaburi 119:110

Andû arîa aganu nîmandegete na mûtego, nwatî nditiganîrîtie mawatho maku.

Thaburi 119:69

Andû arîa etîi maragia maûndû ma maveeni mambîgiî; nwatî nie nîndûûra mvingagia matuîro maku ma ciira na ngoro yakwa yonthe.

Thaburi 119:85

Andû arîa etîi nîmamînjîrîte marima mangwîthie kuo, andû arîa matarûmagîrîra watho waku.

Thaburi 142:3

Rîrîa nthirîtwe nî vinya ngoro, we nîwîthagîrwa ûkîmenya njîra yakwa. Nthû ciakwa nîimbigîrîte mûtego njîrarî îrîa nthiîcagîrîra.

Thaburi 31:4

Ndethûra kuuma kûrî mûtego ûrîa ndegetwe naguo, ngitîra kuuma ûgwatirî.

Thaburi 35:7

Nîûndû mambigagîra mîtego gûtarî gîtûmi, maamînjîre îrima îraca nîguo manyitithie.

Thaburi 36:11

Ndûgetîkîrie andû arîa etîi mantharîkîre kana andû arîa aganu mambinyûrie.

Thaburi 43:1

We Ngai, nduîra atî ndirî na mavîtia, na ûnjirîrîre kûrî andû arîa matarî na ûûngai; mvonokia kuuma kûrî andû a maveeni na acûku!

Thaburi 57:6

Nthû ciakwa ciambîte mûtego nîguo ingwatithie; nanie nîmbîcûrîtwe nî kîeva. Maamînjîrîte îrima varîa mvîtûkagîrîra, nwatî o ene nîo magwîte kuo.

Nthi 24:15

Ndûgakavîre andû arîa athingu ta ûrîa andû arîa aganu mekaga, ndûkathiî kûmacuuna indo kwao mîciî.

Nthi 29:5

Mûndû ûrîa ûnyûrûragia mûndû ûrîa wîngî, aigaga mûtego wa kwînyita ke mwene.

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 18:20

Ûndû mwaro nîûrîvagwa na ûndû mûcûku? Nwatî o maramînjîra îrima ngwe, ririkana ûrîa narûngamire mbere yaku ngîkwîra ûrîa marî aro, nîguo ûthirie marakara maku kûrî o.

Jeremia 18:22

Kîrîro nî kîguwe mîciîrî yao, rîrîa ûkamaretera gîkundi gîa acunani wa rîmwe! Nîûndû nîmamînjîrîte îrima nîguo ngwe, na magatega mîtego nîguo ngwatue.