Thaburi 140:2 - ÎVUKU RÎA ÛVORO MWARO

² Meciragia maûndû macûku ngororî ciao vîndî cionthe, na mambagîrîria mbaara vîndî cionthe.

Thaburi 140:2 ပူးပေါင်းရင်းမြစ်များ

Thaburi 120:7

Rîrîa ngwaria ûvoro wa thayû, o maragia ûvoro wa mbaara.

Thaburi 21:11

Wana mangîvanga gûgwîka maûndû macûku, mîvango yao ya ungumania ndîgaakinyanîra.

Thaburi 36:4

Rîrîa amamîte avangaga gwîka maûndû marîa macûku, gûtirî ûndû mwaro ekaga, na ndareganaga na ûndû wa wonthe wa waganu.

Thaburi 38:12

Andû arîa mendaga kûmbûraga nîmanyambagîra mîtego, arîa mendaga mone thîna mavangaga ûrîa makûnjûkangia, matitiganaga na mîvango ya kûmbûraga.

Thaburi 56:6

Maûnganaga vamwe methithîte, na magatuîria maûndû monthe marîa nîreka, makîenda kûmbûraga.

Thaburi 59:3

Taroria! Manîînthithîrîte nîguo mambûrage; andû aganu maûnganîte nîguo mambûkîrîre. Gûtirî wîvia kana mavîtia mbîkîte,

Thaburi 62:3

Mue muonthe nîmûntharîkîra nginya rî, na ndirî vinya mbîkariî ta rûthingo rwînamîrîrîtie, nie mûndû wîkariî rwirigo rwomomoku?

Nthi 12:20

Andû arîa mavangaga maûndû macûku mecûrîtwe nî maveeni ngororî ciao, nwatî arîa mavangaga maûndû maro marî gîkeno.

Hosea 7:6

Wata ûrîa njiko yakanaga mwaki, nwa ta guo maakanagwa nî marakara ûtukû mûgima, na kîraûko marakara magatumûka rûrîrîmbî.

Nahumu 1:11

Kuuma kûrî we, nîgwaûkire mûndû wavangaga maûndû macûku megiî Ngai-Mûnene, ûrîa wavangaga maûndû mareganîte na Ngai.