Thaburi 135:5 - ÎVUKU RÎA ÛVORO MWARO

⁵ Nie nîmbicî atî Ngai-Mûnene nî mûnene, na Mwathani wetû nî mûnene gûkîra ngai cionthe.

Thaburi 135:5 ပူးပေါင်းရင်းမြစ်များ

Thaburi 147:5

Ngai-Mûnene nî mûnene na nîecûrîtwe nî ûvoti, ûûgî wake ndûngîthimîka.

Thaburi 48:1

Ngai-Mûnene nî mûnene na nîwagîrîrwe nî gûkumua mûno, îtûûrarî rîa Ngai wetû, kîrîmarî gîake kîtheru.

Thaburi 89:6

Nîûrîkû ûngîringithanua nawe Ngai-Mûnene kûu îgûrû? Nî kîûmbe kîrîkû Kîam îgûrû kîganene nawe?

Thaburi 95:3

Nîûndû Ngai-Mûnene, nî Ngai mûnene, na nî mûthamaki mûnene gûkîra ngai cionthe.

Thaburi 97:9

We Ngai-Mûnene, nîwe wathaga nthî yonthe; ûrî mûnene gûkîra ngai cionthe cia mîvuanano.

Isaia 40:22

Nthî yaûmbirwe nî ûcio wîkaragîra gîtî gîake Kîam ûnene îgûrû maturî, na kûrî ke andû arîa matûûraga nthî nîta mvandi. Ke atambûrûkîtie matu ta gîtambaa, na agakûnjûra gîtambaa kîu ta îgema rîa gûtûûrwa.

Isaia 40:25

Ûrîa Mûtheru araûria atîrî, “Nîûrîkû mûngîningithania nake, kûrî na wîngî wîkariî tanie?”

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.