Thaburi 132:9 - ÎVUKU RÎA ÛVORO MWARO

⁹ Athînjîri-Ngai aku marotûûra marî athingu, na andû aku nîmanîrîre nî gûkena.

Thaburi 132:9 ပူးပေါင်းရင်းမြစ်များ

2Maû 6:41

Rîu Ngai-Mûnene, Ngai nîngûkûthaitha ûûke ûtonye vandû ava tûgûtumîrîte na twigîte îthandûkû rîaku rîa kîrîkanîro rîrîa rîonanagia vinya waku. We Ngai-Mûnene, Ngai, nakûvoya atî rîrîa athînjîri-Ngai aku manîrîra ûvonokio waku, andû aku amûre makenage nî maûndû maku maro.

Ayubu 29:14

Nekagîra ûthingu ta nguo, kwonania kîvooto kwarî ta gwîkîra nguo ndaca na gwîkîra kîremba.

Thaburi 104:1

Ngoro yakwa, kumia Ngai-Mûnene! We Ngai-Mûnene, Ngai wakwa, kaî wî mûnene-î! We wîkîrîte gîtîîo na riiri,

Thaburi 132:16

Nîngecûria athînjîri-Ngai a kuo ûvonokio, nao andû a kuo nîmakaanîrîra nî gûkena.

Thaburi 149:5

Andû a Ngai nîmakene nîûndû wa kûvootana mbaararî, nîmaine na gîkeno ûtukû wonthe.

Thaburi 47:1

Mue andû onthe, vûrani mvî na mugîrîrie! Kumiani Ngai na nyîmbo mugîrîrîtie!

Thaburi 68:3

Nwatî andû arîa athingu nîmakenaga marî mbere ya Ngai; macanjamûkaga na makaina marî na gîkeno.

Thaburi 70:4

Arîa onthe magûcaragia marokena na macanjamûke nîûndû waku! Arîa onthe mendete ûvonokio waku marotûûra maugaga atîrî, “Ngai nî mûnene!”

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 65:14

Ndungata ciakwa ikaainaga irî na gîkeno ngororî, nwatî mue mûkaarîraga mûrî na ruuo ngororî, mûkiugagîrîria nîûndû wa ruuo rwa ngoro.

Zefania 3:14

Ina we mwarî wa Zayuni; ugîrîria we mwarî wa Zayuni! kena na ûcanjamûke ngoro, we mwarî wa Jerusalemu.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Aroma 13:14

Nwatî îkîrani Mwathani Jesû Kristû arî take indo cienyu cia mbaara, na mûtige kwîthînia nîûndû wa mîîrî yenyu îrîa îvagia atî nîguo mûvingie maûndû marîa îriragîria.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

Kûguû 19:8

Ke nîmûnengere nguo mbaro ya hariri îravenavenia ya gwîkîra.” (Nguo mbaro nî ciîko mbaro irîa andû a Ngai mekaga.)

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.